今日返晨更!!!hohoho!!!我要再黎過!!!!我要ko哂今年所有晨更!!!!!!!yes~
不過依家電直咗,反而仲麻煩...我要早起多十五分鐘黎洗頭吹頭呢....唔吹就會出事了...
跟住去咗摩士hae,差不多時候,我就要返工了~~~
十一點返到去,發覺完全無人...打一打俾panda...o...原來原本我今日唔洗返架喎......但之前又問我訂咩飯架噃...= =???真一頭霧水...總之佢後尾又缺人手所以又要返喇...不過今日其實係返十二點半呢...
於是我唯有周圍逛下啦...
今日返工,感覺好開心!!!我同panda同埋另一個女同事joanne睇低年級,因為佢地考哂試,所以黎緊每日都係同佢地玩遊戲,帶活動咁~~~
佢地真係好單純,係好單純地開心...雖然有d行為上係好百厭,但見住佢地玩一d你已經唔會再玩,或者平時同小羊玩都覺無聊既遊戲,佢地卻玩得好開心,同埋佢地一齊玩,心境都好似回復孩提時一樣...細路仔果然係不同d,個一刻,好想好想好似佢地一樣單純,簡單又直接地開心~~~所以都好想返工同佢地一齊玩...
不過如我之前所提過,海星黎託管既小朋友十居其九都係屋企有問題既小朋友,係佢地既生命裏往往都好缺乏家庭溫暖,或者適當既照顧......我都同panda分享,若果唔係到海星做,我都唔知道原來依家小朋友面對既家庭問題係如此複雜,要重新塑造lee班小朋友都唔易,要做託管個三個鐘塑造佢地更加難,lee個就係panda成日要面對既問題...不過我開始體會,其實個三個鐘短短既相處裏面,我地最能夠俾到佢地既就係愛心...
今日見到校長鬧佢地,我覺得,雖然佢地未必個個都係孤兒,但某程度上,佢地既心靈需要或許早早就被人遺棄了......看見這一幕,心中總有一種,你不得不愛佢地,不得不用心照顧佢地既感覺,佢地好需要愛,真係好需要愛....
我自問唔係超級鍾意小朋友既人,原本返lee份工,都無諗過有咩抱負,熱情,承擔,但深入了解到lee班小朋友既情況,開始了解到自己既工作使命,我又好喜歡lee份工作了,儘管同事們有些會埋怨人工低,小朋友弱能等等(其實我個人十分不認同這種毫不尊重人性既說法...><好唔人道e)...同埋我開始明白,點解有d人明知好大挑戰但仍然好甘心樂意地做了,因為你見到lee班人既需要,就好似不得不做,無辦法停下來一般...我想...傳福音亦然.
這是一份挑戰我愛心,鍛煉我愛心的工作...我愛上了.
仲有後記...今日同班小朋友一齊打籃球,佢地既籃球係好細粒的!!!哈哈哈xD好得意!!!
|
