玩金庸玩左廿個鐘，訓左四個鐘，用盡哂免費果廿四個鐘咁滯．．．體力透支。
好呀，唔使諗咁多嘢。
以前覺得ｏｎ９　ｇａｍｅ單調乏味重複繁亂，點知呢啲都係我而家所需要既．．．

後面斷左右手既係楊過啦，點解咁樣衰。
前面手指甲咁長我估係周芷若？額上硃砂咩回事，峨嵋唔係源於印度架ｗａ．．．
佢兩個有乜關係．．．點解拍埋一齊．．．
鍾意以前金庸１啲人設多啲：

王語嫣變左鬼妹ＸＤＤＤ
插畫家疑聞，唔係話個插畫家移左民，係條友叫自己做疑聞。

連段譽同阿朱都變埋鬼仔鬼妹．．．

我打死都唔信梅超風喺金庸心目中有咁索ＸＤＤＤ
阿一燈瀟灑到呢．．．

嘩．．．蓉兒∼
靖哥哥∼

有請紅花會總舵主．．．離我印象不遠喎，最衰係清朝囉，真係頂唔順個頭。
但霍青桐．．．點解我月睇月係覺得係章小蕙假扮架呢。
阿乾隆又瘦左啲．．．九五之尊，食好住好架喎。
香香公主又略嫌．．．有啲．．．唔夠靚，嘖嘖＝口＝’
ｓｕｐｐｏｓｅｄ係成隊軍隊見到佢都會發哂吽豆跌哂啲武器架播。

碧血劍係金庸小說我最鍾意果幾部之一．．．
可能因為我睇之前完全未聽過個古仔．．．

唔．．．阿九真係搶哂青青啲鏡。
本黎係公主，之後亡國，斷左隻手，出家做左尼姑，嘩，苦命。

畫風唔同哂，係咪換左插畫師呢。
唔好睇呀，叫返阿疑聞搬返番黎啦。
飛狐兩部真係幾令人捉摸不透．．．
冇時代背景，兩部作品有相同人物但又各自平行，
若果唔係平行，就要問胡斐點解會咁花心，
雪山飛狐又結局不成結局．．．我唔要果啲想像空間呀。
搞到兩部小說「較為」唔討人喜歡．．．
但係又絕對唔係唔好睇架播，
程靈素最後一幕睇到人喊哂，
奇怪，唔知金庸諗乜既都。