今日朝早,約左d小學同學一起返小學,

一來係探五、六年班嘅班主任,

佢而家過住半退休嘅生活,得閒去下旅行,生活閒適;

二來可以同班小學同學聚下舊,

佢地好多都無點變到,至少都認得出,

唯一變得最多既係阿爺黃嘉華,

佢以前肥嘟嘟,好可愛,

而家成個人瘦晒,搞到個下巴好尖,

我都係覺得佢以前靚仔d!p(^0^)q

除左平時都有見到嘅劉永健、蕭恩、Penny、Sisi個班,

仲見到幾年無見嘅琴爸、李煥恩、張婉麗、張翠珩、文子健、王紫瑩....

同搣蕉傾完偈(其實聽佢講),俾個手提我地,佢就去上堂,

我地一班人走左出去康體堂坐(吹水),

大家傾左好多以前嘅事,

e.g1黃嘉華以前每個小息都會買好多零食食,講講下佢又認唔住手,

買左包薯片食,俾大家笑佢會再肥番~~

e.g2張婉麗以前成日俾黃嘉華玩,攞走佢紮頭髮既橡根,仲搞到佢喊!!

坐係牆邊嘅櫈上面,望住呢個曾經對左3年既地方,

回憶浮現眼前,一切都好似尋日發生嘅事,係呢個既熟悉又陌生嘅地方,

回想幾年前嘅自己,同而家嘅自己真係有好大分別,

至少我而家唔會再咁天真以為身邊嘅人會陪住自己到永遠,

翻閱回憶嘅相簿,我地都唔可以回到過去,

嗰段已經消逝嘅快樂時光。