今日同Ring傾計時, 講番啲N年前既野, 令我諗番好多野.

    以前我有一個青梅竹馬既老友, 嗰時我地一起溫習, 打機, 玩....等等. 但係依家我地就好似陌生人一樣, 見到臉都當睇大家唔存在咁, 我真係唔想再有咁既局面ar~~~ 

    讀小四嗰時, 我仲同我啲fd喺度玩踢波仔,(嗰時我好like踢波ka) 依家佢地已經差唔多係職業球員, 但係我仲係......唉~~~

    小五小六嗰時成日都俾miss, ar sir話, 而且嗰時我仲同我啲fd去網吧打機添(嗰時好興ma). 有一次中午, 我同我啲fd去左網吧玩左一陣, 突然有人大嚷"x主任黎緊la!!!" 之後我即刻同我啲fd走左落m記到"避難", 但原來只係流料, 頂~~~ 跟住有一次真係黎左, 但係我嗰次就咁啱冇去到, good!!!

    中一嗰時, 我識到一個知心老友, 嗰時我地仲一起返學放學, 就算我留班, 佢都仍然支持我, 鼓勵我, 我嗰時真係覺得好開心ka. 但係後來佢轉左校, 我地就冇左聯絡lu~~~

    留班嗰年, 我遇番以前既老友, 識左一班有義氣既朋友, 嗰時我地個班好團結ka, 互補不足, 一起快樂, 一起悲傷, 嗰陣時真係好開心ka, 就算係升到初二, 我地都仲係同一班, 冇俾人拆散過, 仍然係咁團結. 我好想番到嗰陣時ar~~~ 雖然依家我轉左校, 但係我地仲經常聯絡. 希望我地既友誼之火係永遠都唔會熄滅la~~~

p.s 如果想睇我以前啲相, 去相簿到睇la, 入邊有啲不為人知既........秘密.