28.5.07

飛機師"

哈...(冷笑)睇黎我地真係心靈相通，我本來都係諗住，寫低我想打咩..然後打出黎喇..點知比你講左先，有少少無奈。

我今日5點55分落到操場，係得番呀鈉佢地，空虛開始生長，咁啱jackie係我後面，呀鈉一見到佢，就行埋好問佢去邊去邊，個一刻，「我透明了嗎？哈(冷笑...)可能啦...」，無名，有種失落感，我都唔知點解，之後jackie是但咁應佢話番屋企，就走左去打電話，我無理佢，自己走左，番到屋企，好想訓覺，好想休息。

個心理測驗，我之前比你睇過，你都好似有份，我還全唔知我同文，莫係一個星星，好明顯，我係一個好典型既射手座，其實星座都係用黎參考，唔好盡信。

唔好意思，我要請既人唔係你...好似直得濟。

我諗緊，我有無被愛，同愛人既需要，有無拍拖既需要？話時話，我唔覺得無，我係咪真係愛佢呢?中一生又係是否應該談戀愛呢?咁係唔係應該同佢散呢？(呢個唔係煩惱，只係想問下你)

其實間接，直接，我都覺得同異性拍拖，真係好煩，我都唔知點解，有時唔鐘意攬埋一齊，但係佢就係都要，有時唔想講野，佢就以為你唔開心，搵啲野同你講(你知我係一個好唔中意人煩我既人)，係佢唔明我，定我太唔識表達自己？

「男人，有時真係唔明」XD!!!

有時，我唔鐘意表達自己，就算人地對我有好大好大好大好大好大好大好大既誤會都好啦，我唔鐘意解釋，就係唔鐘意解釋，唔想講，就係唔想講，唔KILE，就唔KILE，我就係我，唔得咩！

話時話，我有時都覺得自己好過份，有時會迫人達到自己既目標，會向對方強力施壓，想佢做到最好，我知，咁樣可能會對對方做成心理，身理，影響，但係我都會咁做。(魔鬼教練...)

有時候我都好軟弱，會好自悲，有時又好堅強。

被飛機師放飛機的乘客"

P.S.點解你地要放我飛機(自悲....)

全部嘅興作的，因為唔記得晒想打咩....

好期待聽日呀！因為放學之後有人幫我地綀波，但...都無我份啦，我要補留堂(苦笑...)