「你就好啦」
一句erica好憎好憎ge說話~
一家唔知一家事~
各有前因莫羨人~
咩叫「你就好啦」先~!!?!?!?
咩都要掙~ 咩都要贏~ 咩都死唔認低威~
連慘都要比較~ 要贏~ 要win~ 要攞彩~ 要第一~?~??

「好攰呀~~~ 我琴晚兩點先瞓呀~!」
「兩點~? 你就好啦~ 我三點幾四點呀~!!」
「你琴晚幾點收工呀~? 7點~? 你就好啦~ 我9點先走呀~!!!」
「哇~ 你男朋友接你收工呀~? 你就好啦~ 我嗰個~ 追我嗰時都未接過我呀~!」
「你就好啦~ 我琴日淋一淋雨就病咗喇~」

第一次意識到哩句嘢ge厭惡係十幾年前~
一位朋友嚟我屋企搵我玩~
咁好客ge媽媽就留佢係我哋屋企食飯啦~

當時我同媽媽同阿妹住~
嗰日咁啱阿婆嚟探我哋~
正係大家開開心心食緊飯ge時候~
朋友突然間講咗一句~
「你就好啦~! 可以一家人開開心心咁食飯~ 我屋企呀#$%$&*#&%............」
當場... 阿婆~ 媽媽~ 我~ 0靚妹~ 頓時O咗嘴~
完全唔知應該畀咩反應~~
之後~ 整餐飯ge氣氛~ 亦都變得異常詭異~ 

其實嗰位朋友~ 屋企冇咩大問題~~
又或者咁講... 人人屋企都會有問題~
不過~ 係唔係有需要係陌生人(我阿婆~ 媽媽同阿妹佢都係第一次見~ )
面前挖開自己個傷口畀大家欣賞~??~?~

事後~ 媽媽都好間接同語重心長咁同我講~
阿婆好唔中意我哩位朋友~
叫佢勸我遠離佢~~
細個ge時候~ 不以為然~
朋友~ 一齊嘻嘻哈哈~ 傾得嚟咪ok囉~
當然~ 之後會發現~ 大人講ge嘢~ 係啱ge~
我唔敢話哩個「朋友」有咩問題或者唔啱~
我只可以話~ 日後~ 佢哩種「你就好啦」ge性格~
令我受到某程度ge傷害~
令我覺得唔可以再同佢做朋友.....

而最近~ 我發現身邊亦有一位好中意講哩句說話ge人......
或者佢唔係有d咩特別意思~
可能真係聽者有意~~???
真係覺得聽得好唔舒服...
我好相信所謂意識形態哩一回事~
簡單d講~ 就係阿jan好中意講ge一句說話--------- 「咩人講咩嘢~!」
每一句說話~ 背後都會有潛台詞~ 都可以睇到比字面更多ge含意~

而哩句說話~ 畀我睇到ge~
就係一種好負面~ 好唔成熟ge思想模式~
我真係好失望... 係我ge朋友當中~
有人到咗哩個年紀~ 依然會將哩句說話掛係口邊~
 
其實我都明白...
係我自己ge問題...
每個人都有自己ge生活方式~ 生活態度~
我無權~ 更加唔應該去理會~
但係每一次聽到哩句說話~
就我真係會無名火起......

!!!!!!!!咁點算呀?????