ＤＡＹ　Ｄ　８／６  

運氣度：∼∼∼

開心度：∼∼∼

第一堂，數學堂，完全唔記得左要做咩，剩係知道派左暑期作業，跟住就狂抄答案，哇哈哈哈哈∼之後隔離果個好有問題，係我抄既同時係咁問我數，我答完之後佢竟然叫我出份卷比佢做，佢有問題架＝口＝你估我老師咩，又唔見你問倪進軒呀，蔡嘉瑜呀，董叔呀等等，呢Ｄ人仲叻過我啦＝口＝

第二三堂，THE LAST GEOGRAPHY  LESSON IN THIS TERM,實在太過興奮啦，上堂照舊趕住講書，後尾係到問問題，話咩三次唔識就留堂喎，佢都低能既，好心你啦，死猩猩，咁死樣衰，笑起上黎成校男生一齊嘔，襯衫襯到不倫不類，真係痴痴地既，最尾果題叫我，頂．．．呱呱牌花生醬，好彩有我隔離果個英文變態係到幫我，成功答到問題。終於完結啦，史上最殘忍既地理堂，好心意粉屋啦，好請唔請，請個廢物黎教，痴痴地既

第四堂，中史，哈哈哈哈，對中史作業，本來都幾悶架，不過今日好彩，冇計啦，作業未做哂都冇比佢發現，因為岩岩好對到我未做果頁就打鐘落堂，哎唷唷，小詩正啊，你輸了∼

第五堂，英文，繼續考口試，老師痴左線，無啦啦加多成十幾廿頁ＷＢ＋ＧＢ比我地做喎，點做呀，跟住抄我隔離果個，自己都做左兩三題，冇耐就落堂ＬＵ∼

第六堂，中文，又派暑期作業啦，成班第一個動作都好齊心咁揭開本野，望下入邊，仲好齊心咁話，「哎呀，冇答案既？」 唉，跟住係到講說話同語文知識，說話到超搞笑，果Ｄ語氣呢ＸＤＤ語文仲好笑，咩廣東話九聲，何ＳＩＲ示範得勁好笑，不過真係好好玩，所以今日特別留心上堂．．．

第七八堂，ＳＣＩ，開學以黎第一次完全冇聽過書，成堂做暑期作業，中文做到第二十頁，數學做左一兩課，實在太爽爽啦，哈哈∼

放學之後即刻番屋企，食左個芝士蛋糕換埋衫之後出荃灣，買叉燒器同配眼鏡，深左五十至七十五度，揀左副幼框眼鏡，嘛嘛地好睇啦，希望冇人笑，星期一放學拎得，唔知果陣去唔去拎，要睇情況．．．不過呢，配眼鏡咪要戴住副測試眼鏡既，好樣衰果副呢，傳統測你幾多度近視果個方法要戴架，跟住有時要戴住走出去睇野，比我見到阮詠詩喎＝　＝好彩佢冇見到我姐，如果唔係實比佢笑死．．．仲有今日比我阿媽著左我件信社啦啦隊衫出街，超樣衰．．．幾驚見到你地班師奶．．．