討厭溫習...

以前真係好鍾意考試，

可能因為我成績唔差，

贏人個種感覺真係好。

不過依家睇住人地追緊上黎，

都無晒心機溫書，

可能因為太自大，

第一次考得好就忘記第二次考試，

而且人地追緊上黎，

有D仲好過我，

心情直插入谷底，

無左溫書個種feel，

鬼叫我係個種只想保持自己排名，

而不為排名努力的人。

拎個第二返黎，

就無晒心機溫書，

拎第一，

可能仲會搏命溫書。

差數學就每科都溫過，

但無一科係熟讀，

科科都咁悶，

惟有硬塞入腦，

但願唔好忘記。

聽日考作文同IH，

兩科無聊科，

死得啦﹗

悶到訓著都似，

我點比心機去考？

作文格式唔記得晒，

IH唔想去溫，

但真係好驚入唔到班三，

以我依家既形勢，

加上陳珮汶既努力不懈，

可能已經保唔住班一，

佢PE，VA，IH乜都勁過我，

仲要狂溫書，

我想背書都唔夠時間，

人地一早開始溫，

人地有目標，

我個目標都唔知係乜，

人地夠定力，

我唔夠，

見到電腦就想玩，見到張床就想訓，

點贏？