呢期我打日記都打得好快，因為太多野想記低。

天氣好影響我心情，天氣好，我個人都會精神d﹔天氣唔好，連起身既動力都失去埋。

呢兩三天，我有失眠，唔係我有心事，係天氣影響我。

今日老豆亦都放假，佢約左我去同入左護老院既奶奶飲茶，我之前都因為自己懶而推左佢，但係今期我放大假，又得閒到，得閒到都唔知點型容，所以無借口再推了，只好同老豆去呢，去到護老院，見到奶奶，佢瘦了，瘦得很，我見我老豆對佢好關心，我自己反而一點感覺都無，奶奶同我講左幾句，我開始感動，但係我知道我只是一刻感動，我轉過頭又是一個游手好閒的頹廢青年。

我眼見一個我心目中既大男人，我老豆，竟然可以咁孝順，我覺得我老豆係一個很好的男人，一又孝順，工作有責任感，問左佢一d公事，原來我老豆由廿歲入先施做到而家，先施入面男員工入面做得最耐，而我老豆都有返咁上下地位，對老婆的無理取鬧只有忍耐，唯一既污點就係佢個獨仔，即係我。

我老豆是楊家家中的長子，我又係佢唯一既仔，所以我係長子滴孫，佢由細到大都對我好有奇望，我家陣又覺唔著，等我打下我自己常同人講既心事先啦，我真係記得，唔係吹水，我老豆第一次打我係因為我同我表哥爭玩具，我老豆對我d表兄弟姐妹都好好的，講到打又未到，只係推我落張床到，呢個係我第一個記憶，就係可能呢件事，我由那時開始都不喜歡同別人爭野，就算到現在亦是如此。細路既記憶呢樣係最深刻，另外就係我朝頭早最鐘意落床睇he man呢！

到了小學，我小學成績都算叻的，除了數英差支外，並不是講笑的，我其他科有九十幾分，不過你都可以話你個個都輕易攞到。就係咁我多數都考不到很高的名次。而我數係特差，原因可能係我粗心大意。另外我老豆由細細個已經開始教我英文，教法係將一個一個生字寫落張卡片度，我老豆要我將個生字識讀，識串，識解，d卡片好似我d玩具咁，一合合，而我老豆會將一d新既教我，呢副野勁到，可以做句子的，即係"who"一張"am"一張"I"一張，每個親人見到都話我老豆好野，教得我好。我覺得我老豆係教得好，但係教法錯，佢會用打的，所以我每次測驗考試都會比佢打獲金，我好記得佢有句說話"鵬仔，你唔打唔得醒。"我老爸好醒，打只會打屎狒，不會被人見到，後來打起引了，開始打頭，我知道老爸工作壓力大，見我又唔生性先會打我，我老媽係咁同我講的。哈‥