尋晚四點幾先訓,諗住今日會訓到好遲,但8點就俾老豆叫醒左,原來今日係端午節呀!真係一個好偉大的發現,我地三兄弟又俾老豆叫左去飲苶,今日出左一間新酒樓,係鐘聲對面,間野真係好勁,有十幾張桌,但全部得一個waiter,同埋一個唔做野的知客。我地叫茶都要等成個字,人收桌呀姐又係咁同其他呀姐傾計,係企係度傾,個知客係咁發姣。唉......最衰係o的野ok同埋平^^

     之後番左屋企收拾屋企入面o的書,頂我同埋o的呀哥發現到好多我地搵左好耐既書,呀媽真係講得好:唔搵o的野,會自己走出黎啦!呢句野真係真嫁!之後又將我o的ken chan note排好,為repeate作好準備><

     之後同梓揚去左搞gradin的終極大獎hehe,搞完之後陪梓揚買左的野,約左suki出街,其實我都唔係咁想約佢,我諗住禮貌上叫下佢咁,但原來佢係屋企睇緊書,仲一口答應左我,我唯有同佢出啦!仲有林美,梓揚,michelle,李天然一齊tim。林美搞左個頭,今日又著間條衫,成個子敏咁,真係好好笑,我地去左kfc食tea因為suki同michelle約左歐偉倫買晚食飯,之後我地係kfc吹左好耐水,吹完之後,佢地話買o的野,搞笑地,我地係元朗廣場撞同歐偉倫,同林國峰同埋p偉係一間手飾店買野,歐偉倫見到我地扮見唔到我地,佢地好驚咁,我地係咁笑佢^^係人都估到佢地係度買生日禮物啦哈哈^^。陪左佢地一陣之後,我同梓揚都番左屋企,今晚我地三兄弟一齊去游龍舟水呀!

       首先係同大佬買''泳hat'',之後好好彩今日冇咩人,好soft,今個暑假第一次遊水呀happy!今日一落水遊左一陣都有o的累><但係前面見到二個靚女,不得了,唯有高速遊過去,係咁遊下遊下咁,但真係好累,我之後係個救生員下面休息下,之後發覺有個女仔(靚女一個,靚過我地班所有女仔,包括子敏)係咁望我,我初頭以為我識的,我係度諗左好耐,我諗我真係冇識過一個咁既靚女,之後我唔鬼理佢,繼續遊,因為我游得好慢,我遊番個盡頭又休息下,發覺個女仔係我隔離,佢之後話:你叫咩名呀?你好可愛呀!我心諗:食屎!好驚呀!第一次俾人咁問><我答:我叫肥鋒,我之後傻笑,佢又問:你幾歲呀?我答:18呀佢又話:下!真係估唔到,以為你中五tim,哈哈,但你個樣真係好可愛^^我之後靜左,佢之後就游走左。後後悔太遲啦!唉,蝕左><咁唯有游多幾次水啦!哈哈。

      之後仲精彩,我見到牡丹,佢同埋一個男"性"朋友^^一齊,佢係我面前玩濕身誘惑,頂,我一見佢就走開左,我之後係咁避佢地,我一共游左二個幾鐘呀!即刻瘦左^^。之後去到更衣室,真係覺得自己大個仔左,我唔係指身體向面(呢個當然啦),係指我可以一絲不苛係度換衫,以前我一定係沖涼果度換,但宜家覺得冇咩野,我有o的佢都有,有咩特別^^之後番左屋企,今日又係好累

P.S.我減左十鎊呀,仲要係食飯後鎊呀!好開心呀