一早八點幾已經醒晒,於是執拾行裝出發去遊龍舟水,早餐後,KuBa提議去西貢,我堅持去黃金海岸,皆因搭一程52x已經ok,唔使轉來轉去!原來這決定是極之正確的!KuMa應記一功!

吃完早餐,攪下攪下終於十時多到了目的地,幸好人不太多,尚有插遮的空間,用了五十大元租了一把大大的沙灘遮,不致暴晒於沙灘上,而阿仔,阿女及KuBa則開始了他們的掘沙行動.我要阿仔搽妥太陽油才可開始,佢三爬兩撥便完成了,終於大脾晒成紅紅的,好痛呀!--抵死!做事不認真的後遺症!背脊則被奸人所害,好敷衍的塗了幾下太陽油,終於,有塗太陽油的地方---無事,沒塗的.....當然好痛好痛,最攪笑的是背部出面了一粒大大的星(塗了太陽油的地方)....而奸人也得了應有的報應,因為阿女幫KuBa肩膀上塗了太陽油,背部則忘記了,haha真係惡有惡報!

二時多決定沖身,跟住吃東西然後回家睡覺,這簡直是一個完美的假期,誰知........等車途中.......有人來電....要入三聖村食飯,haha幸好我們在黃金海岸而不是在西貢!於是阿仔阿女便由早上一直到晚上九時多才可休息,好淒涼!但抵錫,因為兩個都無乜作反!呢餐飯食左好多好多海鮮.....蟶子d肉粗過隻手指公,好好食,其實我平時好少食!仲有d蜆同海蝦都好ok!用左1400蚊買海鮮(未計煮),十三個人食,都算ok,埋單唔知幾$!

........