第一日:
晨早就要出門口.....不過我冇訓覺......睇左十幾集ONE PIECE.....HAHA
五點半左右就檢查埋D行李.....手信之類.....有冇漏.......
之後沖涼換衫準備出去了.......六點半左右就出門口喇.......
搭巴士出去沙田再搭火車.....係羅湖再搭火車都係54分鐘左右就返到廣州喇.....
如果唔係係東莞站停左一停.......應該可以係50分鐘咁上下就會返到去喇......
到左廣州就去搭四五個字地鐵.....返到花地灣了......
出左去就等左明明一陣.....佢幫我地車左D行李返屋企之後就係隔離間酒家飲茶......
邊飲邊等偉哥同埋大舅父.......佢地到左之後飲多陣茶......我地就搭偉哥架車去食飯.......
會合埋大舅母......阿迪.....迪媽......阿晴.....就食飯喇.......
間飯店......D蚊多到嘔......真係超低能.......一路食一路郁對腳......勁搞笑.......
食完......對腳痕到死......跟住過返大舅父間屋........休息左一陣........
上左天台度睇野......種左好多野.......又有紅棗.....又有龍眼.....又有黃皮......又有人參果.....又有楊桃.....等等喇......
仲有養左七隻龜......隻隻都好大......仲有一隻狗.....個隻狗似係唐狗......仲好細隻.......又話養到最大都係咁-0-
隻狗好聽話.....撩左佢一陣就玩到熟晒........佢叫"合掌瓜".......(笑)
夠鐘個陣......迪媽同大舅母送埋阿迪返學......順便返工......
我地就同阿晴.....偉哥同大舅父過去我地間屋度睇下.......因為而家二舅父一家住左係我地間屋......
但係我地去個陣......咁岩二舅父去左買餸.......冇人係屋.......阿榮同佢老婆又唔係屋企.....=3="
一開閘......兩隻狗就狂吠.......兩隻死野惡到丫......(汗)
同埋三舅父間屋係隔離既......我地嗌過去.......死人潮又唔應我地....=口="
跟住我地放低左D野就去偉哥屋企坐下.......而家佢新屋係龍溪......我仲以為係好遠......
都唔係好遠.....三四個字左右就去到喇........佢間屋勁大.......=口="
有四層......天台都有兩層......加埋有六層......一層面積都勁大......(汗)
佢地一家四口.......住咁多層都唔知做乜.......地下個層做客廳同埋車房......
第二層就係房.......同埋廳.......再上去就咩都冇......得少量用淨既建築物料同埋大量塵.......咳咳......
坐左一陣就再過返睇下二舅父返未........返左喇啵......入左去同佢傾一陣.......
而且最重要既係上香比二舅母.......好想佢.......好多野想同二舅母講......係上香個陣同佢傾左好少....../___\
三舅母又走左過黎......同佢都傾左一陣.......佢D性格變晒......同十年冇見之前.....=0=
同二舅父同埋三舅母傾完就返大舅父屋企坐一陣......執一執D野.......
呆一陣就去食晚飯.......勁齊人......在生既都差唔多到齊.......三個舅父.......兩個舅母......
偉哥一家四口.....明明一家三口......阿榮一家三口......阿潮同佢個女(佢老婆唔見)......阿芬同佢老公......
廿幾個人分開兩圍.......好熱鬧啊......佢地好多都變晒喇......
我幼稚園時代返大陸......阿潮比我地笑係波子頭.......
相隔六年後......再返去......佢好似當完兵返黎.......見左佢....佢個頭變到三尖八角的說......= ="
到今時今日......事隔十年......再次返去大陸......佢變左個大肥佬......=口="
阿芬......佢而家有左bb喇.....恭喜晒.....睇黎好似就快生喇......
三舅母......而家變晒喇......以前佢又好多野都唔捨得.......算死草.....而家主動約齊人聽日請食飯......
三舅父.......好似仲黑左......同埋而家好似好殘喇......
不過計殘的話......一定係二舅父喇......聽佢講都好唔開心.......
二舅母過身......阿榮又唔生性......阿榮老婆又唔孝順......阿德又唔聽佢話.......
身體又唔係好.......又受氣.......好心痛二舅父.......好陰公......><
其他人都冇咩點變........不過偉哥同佢老婆既關係就一日比一日差.....唉.......
偉哥又係陰公......娶著個咁仆街既老婆.......唔衰既都唔做.......個個都憎佢........
食完飯......聚下傾下就散喇.......我地沖完涼就同迪媽傾計..........
幾個表嫂之中最好都係佢喇........明明就係幾個表哥之中叫最好喇......
我地三個同佢傾左個幾兩個鐘......阿迪又走黎走去......叫我陪佢玩.......=0="
傾到十一點左右......老母同大姐就上三樓間房訓......我就訓阿迪間房.......迪就過去佢老豆老母度訓......
===========================================================================
第二日:
八點零九點個陣就起身同明明....大舅父.....同埋偉哥去飲功夫茶......
間野好貴.....飲完茶就去賣動物個個市場......大到抽筋.......
又有好多魚.....龜......蜴蜥......蛇.......貓.....狗......寵物豬......蛙.....雀之類既寵物賣.....
最得意既係......仲有鱷魚.....好大既蠍子.....好大既狼蛛......勁大隻既龜......(大過一隻成年貴婦狗)
當然仲有好多寵物既週邊物品......缸......糧......寵物零食......玩具.....等等......
而且賣寵物既另一邊又好多唔同既果樹......假山.....盆景......等等賣......行一日都行唔晒.......
偉哥又買左四隻巴西龜......都算中等身型既......一隻七蚊......夠平喇......
佢又想試下養個d勁大隻既龜......好大隻都係500蚊人仔......仲可以講價......不過又驚佢老婆鬧......
又想試下買隻鱷魚龜黎玩下......但係有細路係屋企......比隻鱷龜咬倒就不得了......
星龜......象龜都有得賣.....真係好野......我本來想買隻星龜偷運入境......不過......都係唔太好......放棄好了.....-3-"
行完就又去食飯喇.....哈哈......去一度叫荷香居既野.......個度係一個池塘中間起左個竹棚.......
d人就係個竹棚上面食飯.......最衰個塘冇荷花......如果唔係仲靚......
食左既野.....其他唔講.......淨係講一味"荔枝柴燒雞".....好好味.....又滑又夠香......d雞胸肉都好滑.....而且咬落口仲有肉汁既.....
佢地又叫左兩枝叫"天地一號"既陳醋飲品......佢地話有益......我就覺得嘛嘛地唧.......
似d酸梅湯......酸酸味味咁.......但係有得試就當然試下架喇.......嘿嘿.......
食完就去隔離個茶葉城出發.......買左一隻豬仔......我見佢平平地又幾得意先買.....
雖然本來想買一隻熊貓.....貴就貴少少.....不過想比錢個陣見倒有隻豬......覺得好過癮.....豬豬比起熊貓"盈盈"....=w=" (嘿嘿)
問一問個老闆娘價錢先.......又平過隻熊貓......又好似得意d......放棄熊貓了........A__A
再去買埋茶葉.......很好......又屈左條佬送多幾粒叫"砣茶"既茶.......未試過.....試下都好.....留正屈返來的>w<
之後向偉哥屋企出發......因為佢要放低四隻龜.......一陣D龜乾死晒.....XD
放低後再坐陣就向一間叫"好又多"既類似百貨公司既野出發......買零食......d薯片入貨啊......哈哈
同埋d咸濕野丫.....飲品丫......辣椒醬丫等等都有買d.......有d就買比佢地.......
行完就返去大舅父屋企放低d野.......跟住坐一陣......去食飯喇.....
三舅母佢地請的.......仲多左兩個唔知乜人黎左.....好似係三舅母外家d人......??
人數比尋晚個餐仲多......呵呵呵......但係識左三舅母咁耐.....都係第一次佢請客喇......= ="
到左食完......去上下九度行.......個度就賣衫多既.......
本來見倒有d衫幾平.....同埋都幾靚......想買返一兩件比小東尼.....XD
但係唔知佢著幾大......放棄......(其實賣衫褲D鋪頭.....我同明明&偉哥係門口等.....得我老母同大姐入去睇....只係知大約既野....)
跟住一路行喇......好多衫褲賣.......行多一陣......偉哥話去酒吧街兜下........(主要係我地三老表想昅女)
路上一路望下出去......經過一條出名既街.......出名多企街......= ="
見倒都有一大班......不過就咁望過去......隻隻都係老雞......有點兒......咳咳......
跟住去到酒吧街......之前原來係芳村碼頭......而家拆左個碼頭......變晒開酒吧......
我想入下去見識下......反正係香港我又唔去既.......難得又有人比錢梗想去睇下入面係點.....A__A
但係都冇入.....原來佢地係話兜黎睇下......真係....咳咳......
後尾都係去左唔知邊度食宵夜.....佢兩個又叫我一齊飲下啤酒......開心嘛......三老表啤啤......
我本來話唔飲既.....佢地又係都話飲下.....都唔怕喇.....佢地平時都唔飲既......係高興先飲返杯~
咁我又冇所謂既......都係飲少少唧......係咁開心先飲返杯......哈哈.......
點知飲完......我唔覺得有咩野......佢兩個面都紅晒.......有冇咁誇啊......=口="
食完野就走喇......偉哥仲要開車的說......真係有D想叫佢比我揸...... <==我冇車牌的說.....仲危險過酒後駕駛.....
返到去都就快十二點喇......沖埋涼執埋行李就訓囉..........
==========================================================================
好似太長.....不過都係因為開心喇~
聽日再打埋最後一日喇~
(待續)
|
