今日，我同我既學生去左迪士尼玩.....玩左成日...好攰呀..... 好晒....好熱......勁飲水...我地同左胡迪and巴斯光年影相，其他卡通人物就冇心情去排長龍啦.... 玩左3次巴斯光年的射擊遊戲...好玩! 又玩左飛越太空山,太刺激...玩完仲好頭暈呀.... 去左睇lion king慶典,好精彩; 3D影院...真係好3D...有一幕係水底...小魚仙出場...我個人就突然間覺得涼爽....好似真係入左水底咁，D水底既寶藏，例如D寶石比唐老鴨從寶箱裡倒了出來,在水底漂浮....D寶石真係好似飛出來,近到可以摸得到咁，好好睇!!!

哈哈，今日真係有好多自由行人士入迪士尼玩....唉...又係同ADA所遇到的一樣...佢地鐘意插隊，....其實唔止自由人....仲有D係香港人呀....完全冇秩序可言....在門口排隊,應該分左八條人龍...但係唔知點解, 面前見到既係....排排下....前面完全再睇唔到隊形...係一群人... 連我既學生都同我講,明明我地係排O係某人的後面...但係依家唔知點解幾時...我地前面多左咁多個人......去玩小飛象都係咁，有幾名操普通話口音的兩名女人,一名男人及一個小孩...在我們的後面...開頭都冇乜野，但係排下排下,我發覺有一個女人愈行愈前....行下行下，已行在我們的前面，當然，我同我既學生都有發現這個問題，所以我叫我學生盡量行快D,超越她後,我地平排咁企...令佢唔可以越前。其實，玩咩野遊戲都係一樣，有部分人係唔守秩序.....好黑人憎呀.... 中午的巡遊有人要開傘，我都有，可過，當巡遊一開始我就收起我把傘，而後面有位自由人....唉...佢又想係我後面伸個頭出來睇D巡遊車來未,但係佢又要開住傘....佢既傘篤左我個頭幾次，我就忍唔住出聲，唔該，你可唔可以楂好D把傘呀...你把傘篤到我個頭呀...O個個女人一聽到面上有不悅啦...佢企多一陣就行左去第二度。其實，D工作人員已提醒，D傘要舉高D...但係D人都冇聽，當巡遊車來時一噴水...後面D人用傘去擋..我地企係前面的就算冇被噴到都濕哂...佢地將把傘傾向前..將D水瀉落我地身上.....實在太自私啦... 你企得O個度就預左濕身，迪士尼巡遊設有乾爽區又唔去..又要用傘去擋...佢地好冇聊呀...

九點鐘就有煙花睇，好好睇呀..睇完我地就搭的士番屋企。...明早我要學車呀...我今日收到通知要去INTERVIEW>>>突然間咁趕都有....?? 唉...今日我CALL左CECI說要INTERVIEW..可否不去釣墨魚...我其實唔應該咁衝動，唉...我可以O係星期日去PREPARE...唔一定要CANCEL已經約好左的活動，攪到CECI都唔知點算好咁....我番到屋企打俾佢又冇人聽....唔知佢點呢? 訓左覺? 定係有D ANGRY呢?我都知自己唔好...明早我再打俾佢。

遲D POST D 相出來先~~