話說早兩日我得閒到死，本來約左阿清去ｔｓｔ吹吹風，但係最後都係得我去咋∼

好在我下晝應承左個朋友（不太熟的）去比佢練妝，咁我先至唔洗成日流流長唔知做乜好。我果個朋友係化妝學校度學左成年，所以佢功夫當然有番咁上下啦，幫我左執執，右執執，就化好左個靚妝（靚當然係指個妝，唔係我啦^^"）

問題之後就出現啦：佢幫我畫眉果陣，話我ｄ眉毛太長，要剪短ｄ先好畫。呢個我當然知道，但係佢好似唔係好聽到我ｏ既勸告。話說我右眉近尾果度有ｄ崩，原本眉毛長果陣都唔係好覺架（因為我會令到佢遮住＞＜）我叫左佢輕手ｄ架啦，不過剪完之後都係太短，搞到崩果個位現晒形........../＿\　雖然佢幫我畫左條靚靚ｏ既眉（真係好靚，ｄ導師行過都話畫得好好）但係落左妝之後真係好礙眼囉∼

之前買錯左果枝眉筆終於「得物有所用」，因為我而家日日都要畫眉先出得街，好鬼煩＞"＜　都唔知呢ｄ叫唔叫因禍得福

仲要比阿爸阿媽笑，笑我做埋晒ｄ阿嬸先會做ｏ既事→畫眉

好慘呀..........