講返尋日,十二點幾起身之後,就出發去亞da屋企做IBA...之後做到六點幾佢地就去左食飯,之後自己就返左碼頭搵媽媽佢地食飯,去到先發現原來亞彤同許生都係一齊食!~之後食完就返左屋企沖左個涼,九點幾又再出門口去亞DA度繼續做IBA~到半夜4點幾已經好鬼眼訓,跟住訓左一陣又再迴光返照咁再做過...但亞介就極度精神囉,我地覺得絕對同罐早晨咖啡有好大既關係囉,朝早先有提神既功效!!但我地就眼訓到想死囉~

直至朝早七點為止,我地既IBA終於做好7成~~唉,星期五就要present喇,不過總係覺得好似仲有好多野未攪掂咁....
跟住我地去埋食早餐先返屋企訓,返到黎洗個臉,換返衫就即刻攤O係張床,9秒9地即刻訓著~~到剛剛既3點幾先起身,不過捱左一晚夜,個頭好鬼暈..哈哈,好攪笑,頭先連發夢都係Present IBA d野,好攪笑,中哂毒