一年真係過得好快
今日已經係我15歲生日了~~
尋晚同啊哥超酷的說:12點鐘之後 依度我話事!!><
型爆~哈哈..............
由於老豆要人訓覺關係 所以好早就訓左lu
睇唔到有關信息添~~~~
至於第1個同我講生日快樂係臭漢
雖然足足早左2分鐘 不過講心意je 唔會計較遲早問題
由於開學將至 而且今日係我生日 所以決定出黎玩
當暑假最後一日活動~而經過多方面意見 最後就唱通頂k
唱之前出黎大家一齊打邊爐~~~
我發覺自己對於約人或諗地點依d好唔掂 冇乜組織能力
完全唔知點~因為平時約人都係田田佢地負責 而且d人有時候會放飛機
所以會搞到有d煩.........
終於等到8點lu 臭漢一個call話送禮物俾我 所以就好早落左去
竟然又唔見左條鎖匙><麻煩喇~落到去 原來要我自己揀= =
冇諗頭 多係要返杯雪糕算lu~
2樣都去既人有:我 濤 漢 啤梨 康 只食飯:輝爺 駱駝 樺 只唱k:田田 滇 kk
去到俾濤狂話我怕事 我睇情況je 有d野我真係唔識都算怕事= =??
最後樺提議去"明星"食 搞左好耐先有得食- -不過d野好快熟
一開頭叫左1jar西瓜汁 個個倒哂 留番d渣俾我同康 入落去都ok
d核比較令人討厭~叫左好多碟肥牛 點知一下子就掃哂= ="
食到飽飽就吹下水 時間差不多到11點就call其他人出黎
埋單每人$98 因為叫左好多野飲~我地再坐多陣先走人
之後就行去neway度 原本駱駝話走人 不過被我地串串下就去埋
而樺就走左~途中又講鬼故 唔多相信依d事
行到西鐵站等埋田田 估唔到肥滇幾快 已經到左= ="
佢又要等過 哈哈~用最快步伐趕到 之後等多等 時間係11:53p.m
仲有7分鐘生日就完喇~佢地即刻點生日歌 點左好多次 因為版本完全唔多好
真係好多謝大家^^~~而蛋糕亦都好快咁到左 今次都有香檳
不過個蛋糕冇上次咁好食 食食下 田田又搞事 玩蛋糕搞到周圍都係
俾人警告左一次 再犯就$300清潔費(有d搶錢feel)
唱到聲都沙埋 所以陪臭漢落去買野飲 番黎個陣 見到門口d人尖叫
原來有一隻好細隻既老鼠經過 臭漢仲話好得意添-0-
番上房 kk都到左lu~今次冇以前咁恐怖 冇乜驚心場面
我一下子連唱幾首歌 把聲真係傷~成晚流流長 所以有d人就去打機
打winning同cs cs唔岩我 最憎玩射擊game~
叫野飲個陣 濤又話我怕事= =所以由我去叫野飲 感覺上俾人鬧左好多次
唱到好瘋狂 直頭唔想停咁 哈哈~唱到3點幾 出去打陣機
隻網球game好似幾好玩咁~田田由於係偷走出黎 俾佢啊媽發現左
所以要走人 佢交低左錢之後就走人lu~3點幾冇車搭 佢要飛的番去
車錢都幾甘wo~4點幾埋單 不過可以繼續唱 每人$88
都幾平 平時唱黃金時段都過$160 估唔到唱通頂仲平添
大家又出左去打機 打winning意外地贏臭漢3:1 總數應該3:2
不過一球12碼唔計~番房繼續狂唱 都開始有d眼訓lu
>>>>>>>餘下情節將於29-8-07公佈<<<<<<<<
| 
