今朝一返到去就已經發生血案
見到地下有一滴滴血
仲以為有人流鼻血啦
再行到校務處就已經見到有駕白車
好驚呀
聽d同事講話lab tech.阿恩割親手
諗住唔會好嚴重啦
點知佢地話佢流左好多血
我返到既時候已經有救護員幫佢包紮緊
之後crystal就陪住佢一齊去醫院
我地一路都唔知佢點解會整親同埋情況係點
11點度crystal打返黎話阿恩要做個小手術
所以等埋佢先一齊返
要做手術呀?
咁咪好嚴重囉
到2點度佢地返到黎啦
阿恩佢執埋d野就返屋企休息啦
聽crystal講阿恩係俾支玻璃棒插穿左隻手掌
(係真係穿左喎,成支棒o係手背出返黎)
佢仲要自己拔返支棒出黎
加上割到動脈
所以流左好多血
去到醫院醫生都俾佢嚇親
哇
好驚呀!  
我只係聽都咁驚
難為佢仲咁淡定
仲安慰我地叫我地唔駛驚
佢真係好勁好勇呀!
一個女仔可以咁堅強
如果係我我一定暈都似呀
後來同阿江講開
佢話阿恩應該係將一d野套落去一支L形既玻璃棒度
咁o岩可能d力就得唔好
支棒斷左就插穿左隻手
都真係好危險
真係嚇死我呀
好彩我見唔到d血好洶湧既情況咋
如果唔係我諗我真係要陪埋阿恩入醫院
不過訓o係佢隔離床

今日返工勁影印
要準備好多野開學用
咁樣影法我遲d會唔會中幅射架......

放工返黎
6點就食我既晚餐啦
食左碗粥同埋腸粉
之後7點度就走左上床訓覺啦
一訓就訓到妙手人心
呢排真係勁累.....
正
而家再訓過