死左。

中史囉!我溫得咁辛苦佢勁多野唔出,
特別係果d咩嗚放運動呀....三面紅旗呀果d
三面紅旗大躍進果度記到我死囉...
之前果個咩改革開放又講到好重要咁點知又冇出囉
我冇溫果d即係國共內戰之前果D又係咁考喎!
我尋晚淨係睇左一次咋!鬼記得咁多...我上次測驗都冇咩溫
上次好似淨係比較熟眉係抗戰勝利果課...因為果課有功課
好唔HAPPY丫依家 =_________________________________=
大躍進果度麻鬼煩既要記咁多野,,點知一條都唔出(DIU!)
仲有果D咩土地改革呀...鎮反運動呀...三反五反呀果D又唔考啵
果D咩鬼第一屆全國人民大會第一次會議呀...
第一屆中華人民政治協商會議呀...咩懲治反革命條例呀..
華命委員會呀,,中央文化革命小組呀...中國外交五個原則呀...
咩麻鬼煩果D以鋼為綱以糧為綱以階級鬥爭為綱
咩百花齊放百家爭嗚呀....鼓足幹勁力爭上游多快好省地建設社會主義呀
呢D terms佢又唔考啵...但竟然考中華人民共和國國歌叫咩名=口=
唔識果個拖佢出去打啦
跟住我勁想死係果條填充..佢問鄧小平話致力發展咩野
我O係度諗係國家經濟丫.....但係又好似唔係咁簡單掛...
佢中國呢度講黎講去都係搞國家經濟架啦,,
由頭到尾都係,,除左毛澤東無啦啦講咩走資派之外....
結果我冇寫到國家經濟囉-V-我諗起改莘開放就寫左呢4粒字落去
跟住有3條填充我仲叻!其實我真係唔識果3條,
不過為左唔想份卷望落去咁空白...於是我亂咁寫D名落去XD
第一條我超勁,,寫袁世凱,,第五條仲勁...寫張作霖,其實佢係咩人我都唔係好記得
但係我淨係記得呢個名咪寫囉,,真係亂黎,
有一條係問設立左咩培訓翻譯人才,,我記得之前好似問過
但係我上次都唔識,今次更加唔識 =v=!!!
跟住地圖果度又係唔知想點....我明明溫左但係我記地圖真係唔係幾好
果幅地圖係考日軍佔領區果張,我都估佢係出呢張,我真係有溫,,
我敢講我中一至中三唯一一次溫左地圖既真係今次
我諗我張地圖果度得4-5分,,都算唔錯,,-V-以前我次次都係0-2分
有2分都真係執到!通常都係撞岩,,
點解我話今次會係4-5分呢,,係因為宛平果條我答左盧溝橋
書果張地圖o係宛平後面係有個括號括住盧溝橋三隻字架!
我岩岩先發現咋!今日o係學校聽到d人個個都話係宛平
-3-如果亞sir俾我寫盧溝橋就好喇!不過個機會都好似幾微下,,
如果佢條問題係問:佢地地邊度發生激戰,,我寫盧溝橋岩既機會大d!
希望佢俾啦.......少少地拎個5分返黎都好....
仲有時序果隻成part真係想死,我諗我10分入面真係得2分
佢10分全部都係考抗戰果度...鬼有溫....
我尋晚真係係咁易望左一次冇記野架....
淨係記左d地名但係個地方發生咩事我真係冇溫到
點知佢就係問個地方發生咩事,仲要考個次序
oh my god!我第一個就寫七七事變囉,勁野-v-
但係係九一八,一二八,,西安事變之後先到七七
不過果兩分一定岩,,就係最尾果兩個.....
日本偷襲珍珠港之後抗戰結束
平型關同台兒莊呢兩個名我識我都覺得..嗯..ok啦
因為我抗日果度淨係記左武漢同埋呢兩個地名..
但係武漢發生咩事呢...唔知喎
我岩岩睇返書先知係武漢失守囉...OMG!
到問答果度,,30分有3條,,我第一條好似答左8行左右啦我諗
係問同唔同意國共內戰國民黨失敗係因為戰略不當..
(點解個略字要用異體字 =______________= 好樣衰,好唔順眼)
我冇直接答同唔同意,因為我唔係完全反對但係我都唔係好同意丫
所以我一黎就答:
我認為佢地內部有太多不同派系...兵力又分散...
共產黨就集中力量對抗佢地....又話佢地軍紀嚴明呀果d
總之寫晒本書共產黨取勝原因果頁d野
之後就有句總結話因此我認為佢地係因為得唔到民心所以失敗
完全直接跳過左冇答同意定唔同意-3-
呢條都答得係咁上下喇掛@-@
相比起第3條佢問點解袁世凱同張勳果d執政時間點解係曇花一現
(用曇花一現咁靚既-v-不自覺咁想唱深愛果句[曇花也照開~] )
我第一條真係ok架喇,,應該比上次考試寫得仲多..
我第3條答左3行咋!咁耐之前考果d真係唔記得-.-
我咪老吹話民國果陣人民受新思想影響,,
想建立民主社會..<--呢句個句子結構我諗左好耐先寫得出
因為我唔知點表達XD我依家就講到,我頭先考試果陣好似唔係咁寫..
唔知寫左D咩,,總之係讀落唔順口又有D怪怪地果類啦..
之後加多句就係所以就曇花一現喇,,
所以其實呢條話就話寫左3行,其實佔左兩行都係廢話,
就係開首同總結果句XD我寫因為同埋所以都寫左兩行去...
望落冇咁少野呀嘛,,,做中文都係咁架啦,,懶係好似好勁咁寫好多野
寫埋寫埋D廢話搞到個答案好完整咁就有分架啦
咁第2條啦,,係問文革,佢終於都問文革
佢問文革目標係咪破四舊立四新,,咁我梗係答唔同意啦..
我話係毛澤東話有走資派果D之嘛...
即係我將本書文革背景果頁岩用既都寫落去
但係都唔係寫左好多,,4-5行左右啦好似

之後英文卷三先勁野,,見到係catalie出卷都知係咁先-v-
最尾果度真係....果part佔成46分...@@
唔好提喇,冇心機講果度,我連做果陣都冇心機做
本來跟得切,聽聽下愈聽愈唔知佢想點 =O= 冇晒心機聽
總之今日呢兩份卷合格的話請替我偷笑一下,,要大大聲地*
我計過喇,,中史我叻極都係得40分左右
="=希望亞sir o係全分卷我做得算係最好既問答題果度俾多少少分咁啦
咁就可能有轉機,唔好好似上次咁得10幾分定唔知咩就好...
中史果度真係...真係...考完個心好平靜,,但其實我係好唔gur...
我又唔覺得溫咁耐係白費心機...但係我係覺得佢做咩要出咁多測驗範圍果d姐..
出多d未考果d咪好囉!!咁先係正常架嘛...咁樣我咪有機會高分d囉
人地溫左咁耐,,難得我中史咁熟....
我對上一次溫得咁熟係中一講夏商周呢三個朝代呀T/\T
幾耐年前呀真係,點知今次我咁俾心機溫佢...佢...佢..佢咁樣咁樣
我．唔．制!

聽日考世史bio,,,bio.....
好彩我世史溫左姐,,基本上世史我溫唔溫都可以去考,係低分d之嘛
今日睇多次世史先開始溫bio,,,一定要keep住全班16-17名
我上兩次統測同考試都係呢兩個名次,今次我都唔要低過佢地-v-
但係我冇心機溫bio喎今次,因為好似考好多野咁既
考晒全年d野...我諗我多數溫唔切
所以係咁先@@訓完再溫,反正一定溫唔切,
依家訓夠等夜晚可以溫到夜d*
不過我想講呢...

我明明係夜晚先溫到書,仲要係11:00之後囉,,
但係我發現我呢段時間o係房度係唔會溫到書
要溫咩?間房仲係得你李詠君一個果陣就得
所以尋晚溫中史用多左一個鐘黎溫
今次bio咁多野,,好似尋晚咁既進度溫既話我溫到4點都考溫完lu~

___________________________________

唔該d人自己要拎野就早d到啦...
你遲到我等多你兩個字冇問題
但係唔該你話兩個字之內會出現就唔好4個字之後先出現咁誇張囉
我今日已經放學無無謂謂咁等左兩個鐘,
d人遲到搞到我要等多半個鐘囉唔該
我都話我考緊試,,大佬呀,,考試係早放架囉...
我係放學就自己一個等等等等到夠鐘架囉
又係d人自己話2:15囉,,點知遲到仲好似冇事咁囉
我之前9號果日約人地11:15我遲到都係遲5分鐘咋
咁岩果個人都遲到,,,但係今次你一早又講到一定唔會遲到
一早打電話黎話2:15...咁好囉我2:16去到,,
之後等到搭4,d人仲未黎我打電話問,
d人就話兩個字之後到,,食啦去...咁你不如約我2:30
點知話就話兩個字,之後咪又係搭8先到...
我足足又無無謂謂咁企左5個字呀頂你...
永世都係咁....我準時果陣第二個永遠都係遲到仲要遲好耐果d囉
我遲到果陣又唔見d人要等咁耐喎,,
我今日趕住返屋企溫書架白痴...
就就就就你d屎,,叫你等遲d先又話乜又話盛
一早話左考試唔得閒啦...依家係你要拎野咁要你過黎拎好正常啦下嘛
點解要我拎過去俾你?!又話一早講好係我拎過去,,
喂!咁我夠一早講好話遲d先啦,,,痴q線