|
今日考中文口試,,9點半起身....10:25就返到301室報到
跟住等左陣就開始派果個個人朗讀既紙
我望住篇文,,好易咋好似...
跟住就入a班課室考,,勁樣衰囉我係...
我敲門,,miss叫我行前兩步講班講學號
跟住我好自然咁行左埋去啦,,好自然架嘛=口=
跟住佢話行前兩步咋喎..
咁我行返後啦,,之後話可以開始啦,,咁我又唔知點啵
都係唔提喇呢度..="= 總之係今次考試好大既一個污點*
咁跟住就讀啦,,我覺得ok啦...
不過後來聽大粒講好似有個字應該好多人讀錯
磅礡,,話係讀旁音喎~@@真架?!一陣查字典先...
跟住小組討論,,題目是:
香港中小學應否以普通話作為中文科教學語言
我是反對的,,,唉也!!!講起呢度就激死我...
條氣依家仲未gur返晒!>口<
話說我有諗到個point係師資問題!!咁b班的同學有提到呢個point
我自己就冇提到既,,咁我後來見佢提左,咁我咪唔講住囉
點知佢又唔補充...
之後我地又不停圍繞住o係普通話國際化既問題上面
我一直都冇理到呢個point,因為我覺得太長遠喇講呢d,,
搞掂左依家上中文堂學唔學到野先算啦...
咁我又一直都冇講到師資呢樣野,,咁後尾我地都dead air左幾次
然後miss話如果講晒就提早結束考試啦...
咁佢講返評語就係我地經常圍繞住國燄化既問題黎講,
其實仲有好多方面可以講,,例如師資既問題
=..= eeeeeeeeeeeeeeeeeeeeeeeeeeee...
早知我補充啦!!唉,,sai左個point!!!!
咁考完之後同喇嘛去左m記食野,食左好似好耐,
o係度吹水勁白痴XD,,係咁用人地支筆o係張紙度畫畫
之後畫左好多正野出黎,,
原來喇嘛有6隻手指,7隻同4隻腳趾
然後我地入左碟舖,,又搞左一輪先走....
冇租碟卡呀,,如果唔係我會租史力加睇...好想睇-v-
|
