我唔知做咩野今日係咁醒,,
今朝7點半,8點,9點半,10點,10點半都醒過
我10點半醒既時候發現左一樣野-V-!!
就係我尋晚校錯鬧鐘,我校左今日要出門口既時間XDD
好彩我10點半自己醒左咋,,如果唔係你地冇位飲茶XD

我見仲有d眼訓,,10點半又仲早,就訓多兩個字
10:40起身洗頭果d,.,岩岩好11:35出門口
同我預定時間一樣 x] 之後出去,,哇,熱死...搭輕鐵去銀座
上羊城等位,佢話我地4個人坐方檯會逼@@所以叫我等一陣先
咁冇幾耐就等到,之後張檯係右手邊最尾間房=v=
我坐果個合岩岩好可以望到出面個電視,超正
做緊惡作劇之吻,我一望去個電視就係佢地錫既鏡頭.."
之後我無聊咁幫大家洗晒杯,但係懶得洗碗-v-

然後我就一直坐,,等姬帶兩個外省人士黎酒樓xd
再等左一陣佢地就黎了,,嘿....洗好野我同穎就出去拎野食
跟住我地返到去雅同姬就已經點好野食
點左勁多野-口-跟住我地開始食野,,腸粉冇拎豉油
之後食左陣就叫人俾d豉油我地,跟住個人叫我地出去自己拎-3-
然後好辛苦咁食d野,太多了..雅仲叫兩碟排骨-口-
其實點左果d野我都唔食既....其實我係勁想食麻蓉包架囉 =.=
哇,,d腸粉超大條,,好粗-0-人地其他地方果d冇咁圓碌碌架嘛
佢咁樣食幾條就好飽,最後食淨兩條
跟住就開始立個碑,其實我唔想寫到咁
但係我果邊個位好污糟=口=係晒醬同埋d茶倒到濕濕地
跟住俾左姬寫,,喔呵呵....最後食淨好多野,,d排骨囉-v-!!
而我拎既魷魚蘇就拎走左,,唱k食XDDDDDDD幾好丫..
之後出去埋單,,我地飲茶每人57蚊,姬俾住先...
跟住陪穎去左日本城買杯-0-,然後同佢去左草津田買信紙
我見到美少女戰士同埋小丸子簿 =﹏=

跟住就o係銀座搭輕鐵去到坑尾村轉車到元朗
我拎住9本書-v-因為今日要拎去俾個人,,,
好重d書XD本來我今朝出門口差d唔記得拎袋書
因為我放左o係檯....跟住諗諗下臨出門前拿拿聲拎返
如果唔係真係好大件事xd
搭輕鐵果陣架元朗多人到乜咁,今日d輕鐵幾生性-v-好快到
我拎住d書好重@@之後唔該晒姬姬幫我拎,,
之後去到大棠道落車,等左陣個人黎左
佢好信得我過啵,,唔使check下d書 x]
佢又唔講野...我又唔知講咩好,,之後就俾張500蚊紙我,,
我....我...好彩我咁岩有錢找咋-3-找返30蚊俾佢..
我好有禮貌同佢講bye bye*v*但係佢好似好驚我xd
唔緊要啦......未來仲有好多時間俾我同佢混熟,哈
之後就行去greenbox,,噢....竟然今次用我個身份證登記...
結果佢就要我填表俾張卡我-3-其實我都好少會用架啦
真係成日去唱k咩xd,,跟住等左陣就有房了
25號房...入左去我第一時間點左...點左..好似係juno既有人,,係咪呢
terrible!!!!
佢地個list又執過黎,,,頂...搞到我搵唔到個星o係邊
葉宇澄本身已經難搵架啦,,佢仲要愈放愈後,,,好悲哀,,好悲哀
真係好悲哀,最悲哀係放o係頭果頁就係eason,古基果d啦,,
但係到左第二頁已經係d唔識既人=口=好啦,,好似係有個陳柏宇識
之後喇,,,我搵到火滾唔點喇,反正要唱歌....
所以點左一首歌就就俾左穎佢地點,,
第二首都係我既..陳柏宇首車匙,,好聽-v-!!!!

{ 手中緊握車匙　追不到往事　方知掛念較懷念更容易 }

之後就一路唱啦,,本身話5:30 cut,,點知冇cut我地,,
一路唱到6:30我地先走 x] 佢都仲未cut,,我地其實仲有好多歌未唱
不過都要走lu~ -3- 我用我張500蚊紙俾,,哈哈哈哈...
咁飲茶d錢又未夾返俾姬姬,所以最後我係俾返15蚊俾佢
因為減返唱k d錢,,然後收返大家d錢同埋找果d錢之後
我個散紙包出現左個好耐冇出現既現象
就係荷包滿滿的樣子 x] 喔,,看到它這個樣子就高興了
不過佢會咁漲主要都係因為好多兩蚊餅同埋廿蚊紙-v-"
跟住依家有收據勁有趣囉....張收據俾左穎....我影低左XD好無聊
今日我唱左咁耐都開唔到聲,唔知有咩事=V=
反而上次6月9號....我一朝早起身o係度唱左首歌就即刻開到聲
下次我又試下一起身就唱歌可能會好d..哈

跟住就去到星展銀行附近同姬姬講byebye
然後我同穎,雅就坐輕鐵回到天水圍這裡
我帶左佢地入頌富話俾佢地知點上商務就閃人了
因為果陣都好似7點左右要快d返屋企
好奇怪今日冇人打俾我叫我返屋企,,平時未到7點就打黎
好無奈...我都唔明...我小四果陣次次7點幾返屋企架啦
都唔知由幾時開始會變左6點就要返到屋企,,
今日返到屋企發現原來係亞媽未返...
跟住就去左沖涼,,沖完舒服晒,,開電腦....開左好多次先搞掂-v-
然後就......冇咩野啦都,,,,開到機都開飯-0-
食左飯就msn玩下呀,,打下xanga咁
同岩岩認識的黃同學傾左好多野XD今日見到果陣又唔講野
其實,,我應該點叫佢=0=問下佢先,同埋我發現左一樣野
我依家先發現我識親一個人最想知既係佢幾時出世XD

好啦..今日大概係咁,我覺得我打得算簡短...
因為我唱K同飲茶都好多冇打,,平時我會將個過程都打晒架嘛XD
不過今日冇咩心機打呀,,,傾下MSN算