今日係便服,我冇著校服返去喔,我地班都唔多人著左便服...

第一堂係地理,,默書,今次錯左好似一個咋,因為今次簡單D
之後係英文,,我地默完書就影相喇!(默書錯好多XD岩岩合格咋)
因為MISS要走嘛,,影左張大合照,排位排左好耐,哈..逼埋晒一齊
之後又冇人拎個相機,後尾搞到人地放小息都未影到
就叫D人入黎幫手揸機喇,,,影左好多張,,最後佢話應該有張靚既-V-
之後兩堂文學悶到唔識講野....好眼訓呀今日,尋晚夜訓嘛,溫地理

咁今日5-8堂都有社員大會,
首先係藍社..之後係黃社,,
跟住lunch完係綠社(jupiter best　>v<)最後係紅社
咁5-6堂係中史堂,,魚蛋sir好搞笑XD我地課室得好少人,
o係度同亞sir吹水,,佢真係好搞笑呀,同埋亞sir好勁
識好多野XD哈...佢有留意D網絡野,好強耶
呢兩堂勁好笑囉,亞sir係得既(小丸子的同學*V*!笑死了)
亞SIR原來係藍社既...但係佢今日著左件超SHARP既黃色衫返黎XD
唉也,,亞sir俾左功課我地做,中史點解咁難架

之後係lunch啦,,食炒河粉,,好味,,6蚊食到飽晒=3=
跟住就即刻社員大會喇,
哇,,我地綠社好勁=v=!!上年既成績耶....今年真係要努力
我地繼續係收10蚊社費的,,上年淨返千幾蚊

去完社員大會返到課室就同cici,達,燒雞吹左陣水
講咩鬼故..我依家少左聽電台架喇,因為我要玩電腦同埋聽歌XD
我唔聽歌會死....人生唔可以冇音樂,,音樂既效力不能小看!
音樂可以做好多野的......
無啦啦講鬼故呀都諗唔到,個氣氛又唔驚喎
之後講講下隔離堆KAYI啦,皓琳啦,嘉雯啦,小鳳啦,米米啦,珍珍啦都過左黎
亞sir本身唔俾調櫈=3=唉,真係似許sir
跟住但係我地唔理佢,佢都算喇,,哈哈....
本身見到佢好似想講d咩,跟住但係我地好投入咁吹緊水佢都懶得理我地喇
反正講極都唔聽的.."之後我地就吹水啦

我!!一個3年前就想知道既謎,今日終於都解開左!
原來曾同學真係我小一好憎果個插班生!!!!XDDDDDDD!!!
我真係記到你依家囉...果陣本身都唔多鍾意呢位插班生
我今日思考過之後記得點解我唔鍾意呢個插班生喇
係因為我覺得你唔乖-3-我細個好憎D唔乖既人,唔知點解
最重要既係小一俾個姓周果個MISS(我勁憎佢囉,到依家都憎)拉住隻右耳的我出去企講台
痴線=__________=我果陣係品學兼優既良好學生,冇老師罰過我,
佢竟然咁樣搞到我勁瘀,我自認面皮係薄,
果次真係超樣衰,最樣衰係譚老師企正我前面,
仲要走黎問我做咩俾人罰=V=我記得我係是但講左個原因俾佢知
再加呢件事我就更加唔鍾意個插班生XDDDDDDDDDDDD
點知又讀返同一間學校,依家仲同班

之後就放學,hea左陣返屋企啦...玩左陣電腦7點果陣就訓左一個鐘
因為今日太眼訓,上中國文學果陣真係眼訓到丫..
本身都唔鍾意文學堂,仲要眼訓添....
咁又諗住夜晚會出街咪眠一眠先囉
咁眠左一個鐘起身食飯,,,跟住9:40出門口去天慈搵喇嘛,kayi同大野
之後去左學校果頭個公園個迷宮玩蠟燭
好好玩XD一路玩一路吹水....10點半左右hea到12點左右就閃
我就閃返屋企啦,,佢地3個就去馬仔屋企,去果度訓耶

咁講返玩蠟燭果度,,d細路真係好乞人憎=_______________=
佢地燒到勁大火,仲禍及我地囉,,好彩我冇事,不過喇嘛同大野俾佢地彈到
好慘耶....d細路白痴到丫...佢地燒到個牆黑晒
不過佢地白痴完到我地大鑊XD我地燒完蠟就拎埋蠟燭個紙盒黎燒
不過其實係大野係咁撕D盒黎燒
之後燒燒下超大火,跟住D細路過黎睇,
我地就坐埋一邊@@然後有個人黎叫我地要整熄D火
係咁話燒埋D報紙就大火喇...我覺得好廢話囉...鬼唔知燒埋報紙會大火
後尾我地呆等左一陣有另一個人黎
幫我地cum埋左個月餅罐....冇事lu-3-但係超臭囉果度,,
之後個人話:一定唔係你地整架啦,,個人走左喇,我見到佢走左
-v-!!!!!!!無奈耶......好彩冇俾人話,係串左串咁姐
之後就走喇我地.....佢地去左7-11掛@@我就天耀搭輕鐵走左
返到屋企12:20左右啦,,食左成個芝麻冰皮月餅...睇妙手仁心II
最後忍唔住又開電腦玩XD

終於都搬晒XANGAD日記過黎喇!!
咁呢..超開心喎!一上去QOOZA就見到MERO個草原有粒種>V<!!
咁耐以黎終於拾到種,真係等左好耐喇,
以前日日上去QOOZA打日記都拾唔到種,咩都拾唔到
點知今日就拾到一粒種,本身冇留意架....
一見到粒種就開心XD我個草原終於有花花喇!!
雖然唔算好靚,不過都幾好睇,,唔緊要啦...有就得..哈!
之後登入官網睇.....我RSS更新左!!!!!竟然更新左!!
其實有點O咀囉,我唔明點解我之前22號打果篇又冇更新
反而今日貼返之前XANGA果D日記過黎又更新左
小藍食左好多字呀*V*有10點蜜點加喇終終都!!
同埋我發現左小藍個頭噴出黎既花多左隻粉紅色耶!!好靚
仲有O係小藍屋企,,即係官網度啦,,我仲拾到一個綠豆,我都係第一次拾到咋!
又加左20點蜜點,,即係話今日總共加左30蜜點,,正正正
李小藍元氣終於恢復正常喇!!唔再"吊命"了
好野~莫非粒種同綠豆係中秋節禮物? @3@"

好開心呀第一次拾到種!

今日影左D大火相..影左好多張,應該有張靚..xd
不過唔清楚,手機影係咁上下-3-

同場加映:lunch時小鳳俾的糖@@