番學  -  7:00同威行番學校...又慳錢又快=]

小息  -  同威一齊做數...我同佢做d速度唔係幾同~希望佢快d諗得通...可以做得快d啦^^

午餐  -  同威去街市買野食...佢食白粥(病呀!!!)我食麵包~食完番學校陪威去校務處交冷氣費...出校務處門口又係F.2= ="去四樓搵Mandy拎少年警訊回條...點知唔係度~我直接係佢書包到搵...好彩搵到=]跟住派左兩張比F.2...自己又拎左張!!

世史  -  呀sir唔理...d人自己調哂位~可過我都無所謂啦...因為佢竟然講番同上堂一樣既野~係完全一樣...好似教新課文咁教= ="

CYC  -  放學去左CYC棋藝...學左好多野呀=]象棋原來好好玩架!!!棋藝放左上去CYC睇下有無野要幫手...一上到去就洗碗喇~不過都無所謂啦...因為都做熟哂喇!!!又比陳sir玩...你死駛呀!!!!6:15先放人!!

捱鬧  -  同威一齊行番去...我一番到屋企就比老豆鬧~話我咁多野做連飯都唔煲...跟住我同佢講我自己整野食跟住出去學野~佢問我學咩...我同佢講結他~佢話:「你學咁多垃圾黎做咩呀，依家係讀書架！你讀書唔掂你學咩都無用！」我係咁同佢講我搞得掂...佢話:「我唔覺喎！」之後我同兩個呀哥傾煲飯既數...不過傾唔掂/○\之後就即刻換衫出...臨出之前我老豆同我講:「你睇下你，忙到飯都無得食呀！」我一番到黎就比佢鬧...我點煮野食呀!!!

結他  -  7:15同威行去尚德果間青年中心...$90三個月~勁平...教d野又跟著每個人既程度黎教=]原來結他真係好好玩呀...江佢呀媽唔比佢黎真係慘/○\學到9:30就番屋企...番到去我屋企人無一個同我講野= ="

我老豆都唔信我...我講咩都無用啦~佢仲話有咩要詢問左佢先...咁姐係代表一定學唔成啦/○\所以我逼住每次都先斬後奏...佢以為我每次都係咁好開心咩~次次都比佢鬧...不過比佢鬧完一次就可以參加~咁都無計啦!!!結他好好玩呀...不過都幾難/○\又要禁得好準...又唔可以掂到其他既線~唔知係咪因為我既手指唔夠長呢= ="