琴晚好早好早就訓左喇..嘻嘻~~..之後今朝8點半起身-口-...之後無聊開機...

上左傑個blog..見個iq幾好玩咁..禁左黎玩...個網係...

http://www.et-express.com/psychology/iqtest2/IQ1b.htm

我既得分

之後9:25到落左街跑步...去左鄧咩堅個到...諗住星期六應該無人租啦...點知都係比人租左...

咁算啦..圍住個外圍跑左一個圈@@...再跑去青田跑返幾個圈...之後就返屋企喇..返到屋企..

做左30下掌上壓+40下Sit Up...之後繼續呆對電腦- -....到左4點多少少..就出左門口喇..

出左市中心搵cherry~~同佢行行行....買衫買褲加買袋...我d錢咁就不翼而飛了..好彩都唔係好多..

用左二百多dd...差唔多啦@@..食少幾餐ok嫁喇xD..4點幾行到6點幾- -..一直等電話= =...

之後cherry陪左我去m記搵棋佢地...佢就走左喇= =..咁之後就去左買飛啦...睇"生化危機3"..

買完飛就去左惠康買野飲...買完又返戲院等= =...買左爆谷食~~之後等埋朱佢地就入去啦@@

入到去睇....超正呀..不過好慘..無左開頭= =..真係超好睇...一集比一集恐怖...棋就....哈哈哈...

睇完之後就去左搵野食..n個鐘無野落肚- -...四圍搵搵搵.....最後係市中心既"大利茶餐廳"食飯..

叫左5碟野.."腰果西芹炒雞柳"+"魚香茄子"+"金銀蛋雜菜"+"椒鹽魷魚"+"栗米魚柳"....

係咁多喇...一路食一路玩...幾開心..咁難得咁多人出黎玩=)..食完之後..就去左影貼紙相..

影完又去左機鋪打機...玩頭d..終於開始識識地喇....玩完都好夜喇..差唔多12點呢= =..

咁棋同淇就送左我地搭車...得我一個505...不過thx棋同淇陪我等丫xD....錫晒妳地呀~~哈哈哈..

講笑姐...如果真係咁講...比人打都似-口-.....之後返到屋企就沖涼喇..攰攰....聽日繼續跑步!!

節食節食....跑步跑步....減肥減肥!!!

p.s:每日一杯熱"阿華田"...暖粒粒既感覺真係好...嘻~~

      正所謂"秋來也秋去...秋風教人掉眼淚..."秋天可唔可以唔好咁早黎/-\..