今日打下對小學既感覺

小學一年級 果陣我仲住緊九龍灣

果間小學叫做基華小學 我讀上午校的

每朝都六點起身 我真係好想問下當時既我

咁早起身點解仲會咁精神 不過係果間小學我相當唔快樂

成日俾老師針對 原因我都唔知 最記得果陣有次英文測驗拎過一百分

但係我係班既名次都仲係中位數 果度d人實在太勁 到左二年級

我對二年級既印象真係好模糊 好似冇過過咁 因為果間小學我唔係咁鍾意

二年級學期未 搬到黎屯門 我既快樂再次返到黎

我媽咪幫我搵左好耐學校 好多謝你 為我咁辛苦搵學校

一次既緣份 令我入到2C 3C 4C 5C 6C 呢幾年好開心

一轉到入黎 第一次入課室 好多人圍住我問我咩名

大佬 岩岩入到黎 俾我擺低書包先啦 哈

以下講既野 唔好笑 人生路不熟丫嘛我

返學梗係唔捨得媽咪啦 返親學戈陣都喊架 仲俾人見到添 好瘀

成日驚有人蝦我 果陣我冇乜點出聲

我好記得架 鋒果陣次次小息都撩我玩 我好驚佢

唔想有小息 仲有一個陳靖暘 又係好驚 兩個都肥肥地

我呢d瘦既人好驚的 哈哈哈哈哈

到左三年級 張裕夫轉左黎 唔知點解覺得佢好慘咁

可能因為我二年級轉黎果陣好驚 所以鄧佢驚

所以我好鍾意同佢玩 佢成日做d古靈精怪既動作 我覺得好好笑

有一次 佢俾風紀整喊左 佢喊我就笑 停唔到 因為佢喊戈陣好似小醜

四年級 做左風紀 都幾多野擔憂 真係乜都驚 但係做落去又唔難

我細佬呢一年讀一年級 每次放學我都驚佢唔識排隊同排錯隊

所以次次叫高家偉幫我睇下佢有冇排錯 高家偉係家長隊隊長黎

唔該哂 咁樂意幫我

五年級 唔記得做過咩 我d記憶 越耐既野越記得清

係喎 果年考試d分有一次要黎選中學 我果次唔記得考第幾

六年級 實記得啦 咁深刻 最後一年係小學

好似冇咩珍惜過 講得岩 有d野真係失去左先識後悔

最奇待既野 畢業營@@終於去到啦 不過戈陣班主任有左陪唔到我地去

好開心好開心好開心 乜都玩 唔訓教係度玩

俾呀sir鬧 葉小民我記得你呀 你咁認真罰我地

不過最後都冇罰 算你啦

跟住 就講中學派位結果 我一拎 MKP!!!!

我第一志願 之前參觀過覺得勁好 真係讀到好開心

不過真係要離別.......要各自各上中學讀書

冇得一齊排隊傾計 一齊小息玩 一齊笑 一齊整古人

一齊乜都好 總知乜都想一齊

而家仲同肥仔彤好fd 太勁 做埋知己偶像 太屈了

估唔到可以同一個小學同學做朋友到而家

我會珍惜 我係一個唔識珍惜朋友既人 我明白既

小學都同唔小人嘈過 最後都好番 多謝你地既大量

我愛拔臣小學 唔愛基華小學 如果冇轉校既話 我既小學生活都唔知點過

多謝緣份

好啦 太長啦 睇完實訓得