今日起身超痛苦...八點起身...換衫出門口....架巴士超多人....被迫要企....又眼訓...又攰....

之後番到去....九點半上英文堂....上到十一點半就落堂啦....今堂幾輕鬆....只係speaking.....

今日美冬佢地換晒制服....條友又著得幾好睇既....不過紮辮會好睇D既.....

之後十一點半上酒店堂.....又派新note.....見到份note.....先記得原來自己仲未開始溫書....

星期五就測驗.....唔合格就噴血都唔掂.....星期四仲要測西式餐飲服務....又無溫過....一切都玩完....

之後放食lunch....同美冬+呀Fing+芳芳+靜怡去食....食完就番去........

一點半上普通話堂....都OK喎....上次測驗都不過不失啦....有七十分....對於一個從來無上過普通話堂既人黎講成績算唔錯...

之後上到三點半....就放學啦....同美冬佢地幾個去左黃克競....無啦啦參加左個社會服務團=v="....

好彩...我份人咩都無....最多就係愛心XD......之後就同佢地去左搭地鐵....今日出灣仔拎制服...

出到去...打左好耐電話都唔通.....打左成十五分鐘左右先有人聽....之後慢慢行去....

上到去...試制服....終於拎左制服啦....不過就勁無奈.....可憐.....著起套制服....著到我超級擁腫....=v="....

極度唔想著制服返學....無奈地....下星期一要全部換晒制服=.=".....唉....人生不得意事十常八九...

繼尋日剪頭髮一事....今日又黎制服一事....點解個天要咁對我....人地先得十幾歲...有乜理由會揀中我啵

勁慘....聽日都唔知著唔著好...不過就算唔著...星期一都要著...所以都無咩分別....唉.....

搭車返屋企途中....Kathy打番比我....連佢都話個活動一定係由我黎做搞手....

點解一定要係我姐....你地個個都可以嫁= ="......同佢傾左幾句之後就收線lu....下次再傾.....

返到屋企...用下電腦....之後就食野先....試套制服比呀媽睇....攞命...同我講既野一樣....又擁腫又脹.....

成晚係狂睇自己著制服個樣....好想去跳海= ="....到底點解....我著起套制服會咁.........=.=".....

唔理...聽日照著返去啦= ='.....之後去左沖涼....沖完涼....執下個櫃....點解有D衫我好似無咩印象既= ="....

之後執完...用多陣電腦...打埋日記....去訓教算= ="....唔好理....連環不幸事件......

係呢...我的日記新增左一個分類....主題係【故事】....我間唔中都會打篇故事出黎既...但唔係日日打...只係間唔中打下...當然...故事係真人真事啦....但主角係邊個...我會用其他名稱代替呢....不過日記就仍然會照舊每日一篇既...