聽日又要測驗啦，仲要測兩樣添啦，有牌溫。今日本來要

手球比賽，但係因為天雨關係，唔洗比賽，所以今日早左返

屋企。另外，我今日都早左返學，我早左出門口，等車果時

唔洗禁心驚驚。

  今日晶晶又喊，今次好似係話我成日鬧佢，佢咁婆婆媽媽咁

，睇見都火滾，今日中史堂果時梁sir都怕左佢，唔洗佢答曬條

問題就叫佢坐低。佢話我成日鬧佢，佢自己又唔反省下，佢冇

鬧我咩，佢有鬧我，不過我既氣勢勁過佢，佢鬧我冇咩說服力

之嘛。我今日淨係講左一句野咋，仲要係勁細聲，如果咁都叫

鬧我仲有咩好講。d人話女人係水做既，但係都唔洗將呢個特

質咁樣發揚光大掛，成日喊好好咩，喊得多近視加深添呀。我

真係好驚人喊啦，所以我多數都係d眼淚自己流出黎，咁唔叫

喊啦！