今日返學....搭巴士途中美冬打黎....玩左一輪之後收線番去先傾....
返到去班房未開門....坐係出面聽下歌先.....之後愈黎愈多人番到黎....
八點半上英文堂....連續上三個鐘都係練Oral.....之後又同miss練下....都OK既....不過就係咁同呀Fing傾計....
之後十一點半上西式餐飲服務....都幾眼訓=.=".....十二點半放Lunch啦.....同美冬佢地去左幸福商埸食....
食完之後....幫香滿堂買公文袋....又幫佢買麵包+水.....無咩所謂啦....反正當彌補下份報告....都無咩點幫過手....
食飯途中....美冬問左我一個問題.....一陣先詳細講....
番到去....拎D野比香滿堂....之後就去影印份報告.....無幾耐....碧婷打黎.....傾左陣之後....三點半上酒店堂.....於是收線Lu.....
上堂個陣.....好彩搵左芳芳同Emily坐我隔離....唔洗同靜怡坐....靜怡同Emily講調位....話想同我坐....
嚇得我....好彩Emily無調=.="....唔係話有其他意思....不過就真係唔多想同靜怡坐=.="....因為都唔知有咩傾...
之後上堂個陣....真係想殺死芳芳....頂佢唔順= ="....又要唔識又要問....問完之後我再同佢講野....居然叫我唔好嘈佢= =
之後佢再唔識....教完佢之後....居然話我句句頂住晒= ="....教佢都叫串佢= =".....打橫黎講的= ="....
五點半....落堂lu.....同芳芳閃人....佢去搵家姐....而我就搭車返屋企...搭車途中訓左陣....太攰...
番到屋企....玩左陣電腦之後....娘親要出婆婆屋企.....我唔去...於是我就叫外賣.....突然想打日記....於是今日提早打...=v="....
講番頭先....美冬問左我一條問題：你覺得自己係唔係一個好男仔&好男友&好老公???.......我而家答你......
都幾搞笑....其實真係唔知點答啵=.="....答你唔係...我咪踩低自己??....答佢係...我咪好自大=.="????
係唔係好男友就唔知....呢樣野咁主觀....不過我只係知道....只要盡自己能力做到最好....問心無愧就行了....
更何況每個女仔都唔同....有女仔覺得只要男仔真心就已經好好.....有女仔覺得個男仔要服待到成隻狗咁樣先叫做好....
有女仔會認為男仔咩事都服從就好好....有女仔覺得個男仔要改變個女仔本身既壞習慣先叫最好.....
所以點為之最好....真係答你唔到啵.....好男友唔會令自己女友流一滴眼淚(感動除外)....咁算唔算好???
至於好男仔方面....我係唔同既人心中都有唔同既睇法嫁啵....有D覺得我好...有D覺得我衰....咁不如你答我...我算唔算好男仔?
我只係知....對朋友幫到就幫....幫唔到都盡力諗辦法....如果你真係當別人係你朋友....你就唔會計較自己付出幾多....
你只係會諗自己到底做得夠唔夠好....朋友讚你...固然開心....做算做得唔好....朋友又唔會怪你....何樂而不為???
平時都盡力幫朋友既....反正自己時間大把....與其浪費自己時間不如將時間奉獻比朋友....更有意義呢....
雖然唔知算唔算好男仔....但都起碼叫盡本份.....就算別人話你唔夠好....你都無能力改變別人睇法...對嗎?.....
至於好老公方面....仲難諗.....都未到呢個階段......係人都會話自己將會係個好老公嫁啦....
我個人認為....一個真正既好老公....除左識得賺錢....仲要識得洗錢.....賺完錢之後....都要適當咁花費來哄下老婆.....
係我心目中....一個顧及妻兒感受...關心妻兒...維繫家庭感情....先算得上一個好老公....
將來既事無人知....我又未到好男友&好老公呢兩個階段....所以而家努力做個好男仔先啦.....將來的事將來說....
你話我似個會暪住老婆包二奶既人...我相信自己應該唔會既....因為自問對感情都幾認真下...
To美冬......打咁大段野黎回覆你個一句問題.....算俾面啦掛....
反正都係....介紹其中一首我鍾意既歌...
係呢....唔知你地有無試過聽D慘情既歌聽到自己個心情勁失落.....我就成日試.....
雖然會整到自己心情勁差....但D歌詞真係講中你自己心入面個句....
當你有D不可告人既秘密...又或者無人明你心情係點樣....就可以靠歌詞舒發一下自己感受....
呢個就係我鍾意聽歌既原因啦.....除左歌詞合心意之外....旋律都好重要的.....
歌名：暗裡著迷
可不可不要這麼樣徘徊在目光內 , 你會察覺到我根本寂寞難耐...
即使千多百個深夜曾在夢境內 , 我有吻過你 , 這畢竟並沒存在....
人聲車聲開始消和逝 , 無聲掙扎有個情感奴隸...
是我多麼的想她 , 但我偏偏只得無盡嘆喟....
其實每次見你我也著迷 , 無奈你我各有角色範圍 , 就算在寂寞夢內超出好友關係
唯在暗裡愛你暗裡著迷 , 無謂要你惹上各種問題 , 共我道別吧 , 別讓空虛使我【越軌】
唯在暗裡愛你暗裡著迷 , 無謂要你惹上各種問題 , 共我道別吧 , 就讓空虛把我【摧毀】
|