今日去上英文課個時 我地係慢慢行樓梯 去到課室就俾人罵 罵我地落樓梯個陣好似就死咁 無奈囉 之後佢條友仔講左成堂咁 訓話完等返一兩字(我諗有三四字)佢先講話開始教書(@$#*%!....教到d咩呀)如果佢堂堂都係咁既話 我唔使學好d英文啦 嗚嗚 點算好呀~搵人幫我補補d英文啦 我識睇識聽偏偏就係唔識講唔識寫  唉~我要啊喬教我拼音 好~就咁話啦 之後我地上社會 嘩!!~~個miss超長氣 成日講d唔講d咁喔 好難先上完佢個兩堂 遲下都唔知點算 到中文個堂 美美教我地點樣作好d文章 點樣作文個時避免寫錯字避免寫到思覺失調 好好笑呀 佢冇啦啦講講下 講左去麥麥個故事 搞到我地係到笑 不過佢係係到講d例子咩我地聽先講 食lunch個陣同啊喬啊朱勁玩勁笑 超開心>3< 但食完上堂時 俾老葉罵呀 因為佢早會講過未打鐘係唔可以上樓 偏偏我地早打鐘前上左去 就咁俾人罵 有時俾cc同老葉玩死呀 佢又講打左鐘就要立刻入課室 唔好可以慢慢行 跟住又講話打左鐘先好上去 但我地次次係打左鐘先去到我地課室個樓 一上到去就俾人罵 都唔知佢地想點呀=.= 今日有中史堂呀 我鍾意上既中史堂呀(呵呵...不過好多人都唔鍾意上) 個老師有D長氣咁啦 都頂得住佢\D長氣既 佢教得幾好咁 數學不嬲都俾功課人啦 今日都唔會唔俾 放學就上左少顏屋企整個msn 最後都係整唔到-.-因為佢個msn冇更新到 佢家姐唔俾更新掛..之後同啊喬去千色行左陣就返屋企啦

今日自己覺得打得唔好 咁如果係真唔鍾意既話就留言俾我 講下我有咩打唔好啦(呵呵...又係個句 我想人留言姐)