講返兩日既野啦....

琴日一早8點起身送完菌返工...去新屯搵方生佢地打波....好遠由置樂行去新屯..中途又迷路個到有方生,賴生,吳智傑,胡茵...

打打下...胡茵去左踩單車...唔知去左邊...跟住係到鬥下波射下波咁...最好笑同方生one on one個陣..我同佢係咁針開波..波左好耐

大家都入晒...最後我6連入贏左..hehe...不過講真方生射波好準...之後樹葉黎埋...吳智傑去左冇耐..肚餓..同胡茵去左啟豐食野..

個到d飯好平...我食個鰻魚食$15炸加杯野飲...如果我間學係呢到附近就好...用少好多錢..食完胡茵返歸...我返去球場打左陣走人...

同賴生行...佢返稍我去置樂剪髮...剪完返歸已經2點幾...訓下覺..打下機...又出左去整d野...5點幾返黎換3出去小覽bbq..慶祝國鍵

生日...未去到時代m記之前見佢地隔離有班女..企埋國鍵好近..以為係佢地唔知邊個叫既fd....原來唔係..唔識..吹仔好失望.哈哈..去

到基佬唔知乜q事...我一黎響我全檔..重要好大聲...痴媽根...個陣有國鍵,基佬,楊家樂,夏狗,啟思,陳澤輝,carol,豪子,吹仔...去搭k51

車個陣成班唔知被邊個呃去錯巴士站..我地係後面睇笑死xd...成班on9仔..哈哈.係車到係咁吹水..吹到唔記得落車..直到總站..富

泰..我地成班好無奈...如果行返去小覽超遠..所以去左大覽bbq...一樣價錢$78..不過少一罐汽水...唉算...燒到9點幾食飽拎豪子部

ndsl同carol對mario car..好勁成日輸..不愧係我地班車后..哈哈...10點半頂唔順好晏訓走人先...上車個陣得我一條友諗起鬼巴士..

好恐怖...同菌傾電話佢係咁嚇我....大佬係咁講唔驚就假啦..11點返到屋企...沖埋涼訓覺....好攰...

p.s.sorry國鍵我都唔想咁早走..不過真係好攰....

  講返今日...一樣8點起身送菌返工...再返歸整d野再出去荃灣補習...又遲左..今日又係10點16分開始..而且carol早過我到...少有

補緊個陣前面班女又係好鬼嘈...聽胡茵講佢地三個由未上堂到落堂都係咁傾計...都唔知有咩可以傾成個幾鐘...唉.. 相反我地3個就..

好晏訓...冇乜野講..補完自己去左荃錦睇下衫同褸...本來睇岩左件褸..不過好貴$599..都係返屯門再睇係有冇岩心水...睇完返歸...

食完飯..訓覺....夜晚接菌收工...之後溫下書睇陣陣電視訓...想睇鋼鍊...,不過呀媽唔比太夜...話我一定第日起唔到身返學...唉