今日去到葵芳果時，咁岩見到肥香，咁岩有位比我上車，返到去，得我同佢兩個，玩下卡先囉，點知玩玩下佢發現咪拎野，果時９：００到，佢決定去食早餐先，仲請左我食，真係有錢。
食完野去拎野，上到去仲有時間，ｍｉｓｓ過左陣就黎到，入到去，成堂冇聽書，４條友狂玩卡，講笑多過做野，下半堂，肥香拎左我個ｐｓｐ黎玩，又係玩到傻傻地，呀得就拎左我個ｎｄｓ同湶玩，我就拎ｄ卡黎搞搞震，玩玩下聽到ｍｉｓｓ話要分組做口頭報告，３∼４人一組，１月９交，我地班人有６個，所以分開３個３個一組。
差唔多上人際堂，成班玩左陣，聽下ｍｉｓｓ講咩，原來又係報告，要介紹自己，書面報告要寫７００∼１０００字，介紹自己既性格真係有咁多野寫咩？
放學果時，係地下見到winnie同琳琳，佢地問我中文同邊個一組，原來佢地想同我一組，點解要同我一組呢？唔係咩吸引人，只不過係佢地唔識打字，想搵我一個打哂ｏ者，真係比佢地玩死，雖然大家都係屯門住，係就係方便，不過我呢邊有３個人，佢地兩個加入黎５個人，ｍｉｓｓ會唔會比呀？算啦算啦，都係唔理咁多啦，等下星期一再問問ｍｉｓｓ啦。
|
