12月26號 星期三

返工真係好悶~同阿joe成日都叫悶~但好在我地2條友岩傾~

如果唔係都唔知點算~阿joe仲有唔夠一個月就唔做lu~佢要返澳洲~

唔知大家一年後會變成點~會唔會係無咩轉變？

收工去買野食~燒賣+牛丸~之後打比老婆傾電話~

老婆話我知~佢又買左對boots~1聽完~好反感既感覺....

突然之間覺得勾手指尾....變到咩意義都無曬....

可能我對承諾同大話呢d野有好深既牽絆~小小事都會發牌氣~對唔住~

以後對我承諾咩事都好.....你唸清楚先好應承我....

我真係會發瘋~爆粗~打爛野~咩臭牌氣都出曬黎....

結果一肚氣~拎住d燒賣牛丸坐車~返到屋企先至叮返熱黎食~

返到屋企用一陣電腦就去左訓攪~到7點幾俾老豆叫起身~去洗米煮飯~

之後等到阿媽返先開飯~食完就入房用電腦~

搵到張好耐以前買既書籤~書籤上面寫住~

沒有人是一生平順的

但是懂得在逆境中去學習,成長

什至去改變,才是最為可貴的

睇完之後好似搵返d咩失去既野咁~我都唔知....搵返一d失去左既感覺.......

12月25號 星期二 (聖誕節) 同老婆一齊8個月

老婆今日等我收工~收工同佢去左食沙爹王~之後去左卓悅買野~

然後就返屋企~因為唔知去邊好~返到屋企~老婆訓攪~我用左陣電腦~

到7點幾就去左洗米煮飯~之後返房同老婆訓攪~訓攪果陣係咁俾老婆整醒~

但佢又唔知~如果以後晚晚一齊訓~唔知會唔會晚晚都整醒我~

訓醒就食野~食完入房休息下就返康盛~

12月24號 星期一 (平安夜)

要返工~但唔洗返學既一日~

返到公司~大家都討論一下聖誕有咩做~有無街去~

如是者~好快就收工~收工唸住禁錢~

點知去左好多間銀行既櫃員機都禁唔到~要返中銀既櫃員機先禁到錢~

張卡真係勁有問題~有機會先去攪~好在e+中銀比以前多左~

到6點就搵老婆~係旺角周圍行~行落佐敦~係廟街見到有個出左好多年既電剪買~

真係好想買~好想試下用~但老婆話唔好~要省錢~

另外又見到好多算命既阿叔阿姐係度幫人算命~好想行去俾佢算2算~

但老婆話唔好~話遲d先~所以都係算了~聽左老婆話~

行完廟街去左食野~食完就返屋企~好夜先同老婆返康盛~