第一天:
朝早11點係靑年中心集合一陣,同talk兩句(廢話)之後,就放lunch加埋買野,仲要11點半放12點半前返到(急到死).....
結果late左3分鐘,挨了15下掌上壓...(5x3=15)
之後分兩隊,要自己係2點半前去到營地(果時1點開始計時)
then走去坐48x(攞住大包包)去火車站轉小巴上博康村(大巴轉小巴=越來越迫....)
落左小巴之後發覺對面係營地...(超"大","大"到冇朋友,後D就跌落去人地個地盤...)
入到去個阿sir話仲有30秒就遲到(汗...),令一team遲左5分鐘(5x5=25下掌上壓)
之後起營&帳幕&桌&衣物鞋架(即可掛衫&鞋...)
然後成班白目煮dinner,有飯(加飯焦...),(方海寧)番茄薯仔湯,翠玉瓜炒肉片(好味),豉油雞中翼(超正)
食完去洗野,果到有幾set清潔用品,本來諗唔錯丫,點知D洗潔精比人用哂>.<....(超xo...)
收拾完野,成班人玩遊戲,好好玩,玩到11點幾
最後比你訓加沖涼,等我諗住終於可以小休一會,同人傾了一陣加沖涼之後諗住訓...
點知發現自己個營有少少問題,我左邊個位人兄都發現同樣問題....(果時成12點幾)
正想叫醒埋另一位同營的人起身...點知佢唔肯起身之餘仲話我地好煩(超想拿出面桶水淋佢個死人頭...)
於是兩條友用左D時間整,好彩都係用左少少時間姐,跟住又發現帳幕有D問題,又整下......(2點幾)
then條豬死出黎站係我旁邊,等我整完之後佢話<終於整完啦...>,我超想打爆佢個豬頭(佢咩都冇做個...)
點知班女仔係到槽槽閉(心諗又冇覺好訓...),係到話果營個頂幫佢地做"SK-II",仲找我地兩個男仔幫手(超xo...)
整到3點幾,終於整完啦,不過入返營之後訓唔着(得10'C以下),所以4點都冇得訓,於是出去行下,行到5點,6點,7點......
今日先post到這裏...遲下再寫....
|
