話甘快又過咗一年, 總括嚟講2007年都算OK啦.

聽日開始又要返工啦, 放咗十日假都好似冇乜做過嘢嚟, 估唔到話甘快就放完.

我哋十六號開咗個聖誕Party, 講真對我嚟講都唔算Party, 因為我由朝到晚都係廚房, 終於俾我煮咗一餐中國菜. 我整咗蒜蓉炒白菜, 洋蔥煎豬扒, 蠔油炒雜菜, 豉油雞, 沙爹雞串, 春卷, 麻婆豆腐同埋蝦片.

我今年收到嘅聖誕禮物都算Okay啦. Paul送咗一個電動牙擦同埋一條頸鏈俾我, 我嘅Parent-in-law就送咗一套珠寶俾我, 佢哋唔記得收起張收據, 所以我知道佢哋用咗差唔多500歐羅, 真係大手筆. 我就送咗二件T-shirt俾Paul, 佢非常之鐘意.

我係呢度祝大家新嘅一年, 新嘅開始!