呢兩日ｇｅ考試∼又唔算太辛苦∼
因為呢個禮拜只係返兩日．．．
考試ｇｅ第一日：
首先考ｂｉｏ．．．真係一頭霧水咁．．．我覺得最難ｇｅ∼都係呢科．．．（Ｍｓ馮監考∼似乎無咩野）
之後考英文ｐａｐｅｒ II∼Ｍｒｓ葉監考∼佢派卷時要我地出晒去∼
跟住我地好嘈∼結果比蔡ｓｉｒ鬧＝＝”考完後∼Ｍｒｓ葉仲要ｃｈｅｃｋ晒ｄ卷有無跟班號排∼
但個陣有人手機響佢竟然無反應！！！唔知佢係聽唔到定咩野．．．
最後就放學返屋企．．．但開完ｌｏｃｋｅｒ唔記得拎鎖匙．．．
行完樓梯∼過埋斑馬線∼見到Ｍｉｆｆｙ後先決定上返去拎返條鎖匙．．．悲哀∼
行返落去時∼見到位姓麥ｇｅ∼佢竟然問我一條好愚蠢ｇｅ問題：“你無帶野返黎？”
考試ｇｅ第二日：
首先考中文ｐａｐｅｒ I∼好難下．．．似乎唔係好夠時間做∼之後考中文ｐａｐｅｒ II∼作文．．．
唔知簡咩題目作＝＝”後尾簡左＜＜論青年人追趕潮流的影響＞＞∼好難作下．．．仲要作到５００字以上∼
但．．．唉∼我無錶∼班房又無鐘．．．考試途中打過幾次鐘聲∼但第一次鐘聲好似完全唔跟個時間咁．．．
隔左好耐先打∼搞到我以為第一次鐘聲係代表考試已過一半時間∼搞到我未完全諗好點寫∼就要開始落筆∼
到第二次鐘聲打左後∼我又以為就快到停筆時間∼搞到我又猛咁寫∼
點知到我寫完成篇文∼個老師先報一次時∼就話仲有十五分鐘．．．無奈了．．．
跟住睇返我篇文∼到唔知作成點ｇｅ樣．．．仲作左唔知成６００幾字定７００幾字．．．
放學後同慧一齊返去∼但之後又要返番學校考中文ｏｒａｌ∼唉．．．
中文Ｏｒａｌ：
我考ｏｒａｌ就係２：５０考∼我２：３５左右已經返到去∼
搭八上去３０１個個等候室∼點知有成３０幾人坐晒起度∼得返好少位．．．我岩岩好都有得坐∼
原來個陣２：３０個ｄ仲未考．．．無奈了∼搭十個陣∼２：３０個ｄ先考緊．．．
等左好耐∼慧都開始去考∼不過佢不幸地∼同左一個人一組．．．
之後又等左好耐∼終於到我∼好彩同我一組ｇｅ我都識∼就係呀踩，劉富漢同湛宇亮∼
去到３０２室∼就係度討論邊個做開頭＆總結∼簡左劉富漢做開頭∼但就簡唔到邊個做總結．．．
到派試題∼點知個討論題目．．．真係令我十分無奈∼就係＜＜過程比結果重要，你同意嗎？＞＞
呢個題目Ｆ２都講過．．．而且我相信係無人會簡不同意黎講∼因為講同意ｇｅ話係多ｄ野講∼
所以我都唔會簡不同意∼因為咁樣會比另外個三個夾攻∼博晒自己講ｇｅ野∼
到最後∼行去３０５室要考ｇｅ時候∼我地就問對方係同意定不同意∼果然如我所料∼四個都係同意∼
到左討論ｇｅ時候∼有勁搞笑ｇｅ野發生∼當劉富漢講完∼問湛宇亮有咩意見時∼
湛宇亮就講：“我贊成之前個位同學ｇｅ意見（講一段野）唔知呢位同學有咩意見呢？”
呀踩又講：“我贊成以上兩位同學ｇｅ意見（講一段野）唔知呢位同學有咩意見呢？”
之後到我∼我無可奈何地又講：“我贊成以上三位同學ｇｅ意見（講一段野）唔知其他同學仲有咩意見呢？”
跟住講黎講去∼每個人ｇｅ開頭都係講：“我贊成呢位同學ｇｅ意見”∼搞到我地都忍唔住偷笑∼ 但好快又繼續討論落去∼
到我地講晒自己ｇｅ ｐｏｉｎｔ∼仲有成４分鐘剩∼搞到我地要再諗野講∼仲要成日推個波比人．．．
好彩到我個陣都仲有ｄ野講下∼然後再推個波比其他人．．．終於挨到去剩番１分鐘∼到呀湛宇亮就做總結∼
考完之後∼葉潔心老師ｇｅ評語就係：
“湛宇亮成日傻笑∼內容上雖然好∼但感覺上有ｄ唔認真∼所以扣左ｄ分∼而其他個三個都唔錯∼”
唔知佢所講ｇｅ『唔錯』係高分定唔高分呢．．．？
最後∼返屋企ｇｅ時候同慧討論番ｏｒａｌ ｇｅ野∼返到屋企已經４點幾∼十分之攰＆眼訓！！！
| 
