今日天氣終於暖返少少啦，所以我今日冇帶頸巾呀。返到學校見到湶同肥香，傾左陣計阿ｓｉｒ終於黎啦，之後入到課室等多陣，差唔多時間到ｄ同學都返到七七八八，就開始上堂，當然係一邊上堂繼續一邊頂撞佢啦，阿ｓｉｒ唔會嬲仲會同你笑同你玩，不過當然唔會頂得太離譜啦。
上完英文就要上電腦啦，今日電腦要測驗，測Word入面既功能，表面上個個都話好易，但其實真正既使用方式，係好少人會知道，雖然可以打開筆記睇，但其實有冇都係一樣。就算我有聽過，我依加都唔係好記得點用，因為真係有d難明。不過總算係最後一刻我終於諗到，最後一題要做咩啦，少少既時間改少少野就成功左啦。我諗冇高分都應該合格掛。
返到黎去左樂度食野，之後同佢一齊返屋企，上左我度玩AOC。條友又再一次要求同我打，呢之我選擇左慢慢黎，但因為太慢結果佢果度係好難攻得入去，最後只有一個方法，出計謀擊破佢既防線，結果係壓倒性既贏左。最後睇返個評分表，我同佢係期間，係鬥得好激烈。老實講呀，我之後麵咪試過可以玩到咁既樣，真係好想試多ｄ。
|
