做老豆既就由手好閑，過住自己既生活，終日唔見影，見到面問都唔問聲，只係問我夠唔夠錢洗，我係無錢洗呀∼點姐，我出泥做野到以家未拎過你豆令，到以家我都唔會要你ｄ錢架，我唔係想要你ｄ錢呀∼

做妹既日日夜夜煲住個電話，從前有咩唔識就問我，以家中４，我答唔到佢就話我屎。剛剛出完街玩回來，話我知有２科唔 合格，我就話”比ｄ心機啦，唔合格就係証明左你唔夠努力，如果成日諗住溫完溫完，咁你就玩完架喇，你重有時間，＋油啦∼”，頂∼∼我都係講ｄ我做呀哥要講 既野姐。我好聲氣同你講，你就當我耳邊風，當我講笑。我鬧你又唔中意，玩反叛。我用平常心同你講，頂我嘴，比說話我聽，比面色我睇。係！我以家係無野做， 一事無成，日日係屋企斬柴，唔通我無工返就等於我無地位，講既野就唔岩，唔順耳∼？你咁大個人我打過你一次，我唔想有一日火遮眼，我唔想後悔．．．

做老母既就不懂人情世故，只看眼前，有一件事你就講一件事，日日係到南無南無．．．雖然無惡意，但係壓力總係別人無 意給與。你所擔憂既，我都諗過晒，我已經將屋企所有事攬上身，可能唔係咩都做得好好，但我係你個仔，唔該你就信信我，聽下我講，放鬆下自己啦，我自己既事 一定解決到，因為我要解決左自己既事，先可以全心投入呢個家，我唔會一世都做草架．．．