白色情人節快樂^^
今日訓醒起身....記起今日係白色情人節啵@@...即係寡佬回禮比寡婦既日子...
去OK買兩條繽紛樂先=v="....新口味....之後返去....坐低後比美冬+芳芳+呀Fing...
上堂....又係speaking練習....好悶呀....救命!!!....同呀奶練習....都仲係爭少少....時間未掌握到....
我地要努力呀^﹏^....之後落堂後放lunch....佢地三個帶飯...我叫外賣...又用左$32....
食完飯四丁友去左買雪糕....當然又係我出錢=.='....因為得罪左美冬妹....有得食Fing姐+芳姨又點會執輸....
買完去左公園坐...今日有三個鐘lunch= ='....爽....之後坐左陣....突然有人提議玩啤牌....
結果同Fing姐去左買....途中諗住表演拋銀包....結果失左手=口='.....勁瘀皮.....
去到OK買左一副啤牌+一包大薯片+一包芝士圈+四條腸仔.....埋單四十幾蚊= ="....當然又係我錢....
愈輸愈見鬼....下個月一定要帶飯tim呀= ='....之後番去公園搵番佢兩個....鋤Dee.....
芳姨連玩啤牌都要講風度....笑到嘔=v="....之後番億京....係九樓hea多陣....好舒服既環境....
買左枝BigM朱奶比Moko....嘿嘿....多謝我啦....之後係休息室吹水....過左陣就落去七樓上堂.....
係後樓梯做左D勁kai既野=.='....原來要做番D勁kai既野先可以哄到個幾條友笑= ='....英名盡喪....
上堂不斷同人傾計....又做左廢物回收站=.=".....真係好人^﹏^....之後轉課室上堂....
bartending....幾鍾意呢個呀sir教....又詳盡又搞笑....雖然係爛gap左少少=.=".....
上堂途中呀敏打黎....叫我做個秘密行動....所以出左去搵佢....原來佢送花&公仔比moko....
搞左陣....等落堂後就返班房搵moko....勁浪漫囉~o~.....不過都唔明點解好似成日做媒人咁=.="...
放學....閃人....搭車返屋企....返到屋企就煲劇....娘親打黎叫我今晚又食自己....
夜晚八點半換衫出門口....買左一大排kinder等碧婷放工...等左半個鐘囉=.='....之後佢同珠珠都放工啦....
送朱古力比佢....然後三個去食M記....仲比佢塞我食蕃薯乾= ='....味道好怪囉....
之後坐左陣就閃....送佢地搭西鐵....我搭輕鐵返屋企....返到去就打機....打日記....訓教....
今日遇到兩件搞笑既事@@.....係一對父子同另一對父女既對話@@....看看有咩分別....
(1)父子 地點：Lift
父：仔仔...你話我夜晚夜少少返屋企有無問題呀啦??
子：做咩呀???
父：哦...因為我唔想揸車囉....做另一份工....
子：哦....唔緊要啦...我識照顧自己嫁啦....我大個仔啦...
父：但你會唔會唔做功課嫁??
子：唔會啦...我大個識諗嫁啦....
父：嗯...咁就乖仔啦...
子：你要小心返工喎....
父：梗係啦....如果唔係邊個買野比乖仔呀....
子：哈...我要飲汽水....
父：乖就咩都有得食....
(2)父女 地點：輕鐵上
父：喂...去咁遠做咩呀??
女：X你...我係前面坐你就走去後面坐...
父：咁有位梗係坐住先嫁啦....
女：頂....今個禮拜又洗左我三舊水...
父：又有野想買呀??
女：係呀...我想買個地圖袋....
父：哦....
女：吾....買比我呀....
父：你返學先同我講啦.....唔洗多....返足一個星期就買比你...
女：一個星期??....唔得....最多三日....三日啦....
父：唔洗講咁多野啦....
女：妖...麻x煩....一個星期容乜易過....
父：乞痴...............(大聲地打乞痴)....
女：仆x....你咪x話識我呀....唔x想同你坐....
父：我想既咩....打乞痴喳....
女：洗唔x洗咁大聲呀....真羞家....
|