|
|
Vicki 於 2008-03-26 07:46 PM 發表：
唉...睇完你寫嘅嘢之後,發覺你的人生真係冇咩意義同目標,來來去去就只有吃喝玩樂,情情愛愛,其實除咗呢啲嘢之外仲有好多事係你呢個年紀應該做咖,你又唔係唔知自己有咩不足,與其有咁多時間喺度諗呀邊個邊個中唔中意你,番工打俾邊個傾電話,放工約邊個出街,點解唔諗吓點去增值同裝備自己呢???有工你又唔去見,唔係一句”我係一個好懶嘅人!”就得咖,我相信你點都不及我懶囉,我懶到連街都唔願出?!同埋做嘢唔係單靠老細錫你就得咖,你唔主動去學,去搵嘢做,更錫你嘅老細都冇情講呀!!你話大唔大, 話細唔細,廿歲喇,時間係好殘酷咖,你唔去珍惜佢的話,佢唔會留戀你,更加唔會等你!!你係女仔嚟咖,要俾番少少矜持,唔好見一個中意一個先得咖,我打你有70歲命你都仲有50年嘅時間去慢慢感受拍拖,結婚,生仔呢個人生必經過程,你又何必咁心急呢???呢個世界冇話邊個冇咗邊個唔得嘅,而家最緊要係做好份工,有時間就搵書讀吓,充實一吓自己,咪等你需要嗰時先搵嚟讀就遲喇!其實我老豆同呀君次次同你傾完你都話明,但我哋完全睇唔出你明在哪裡,你咁大個人要識得控制一吓情緒,唔好咁易俾一啲唔屬於你嘅男人影響到你先得咖!!!可能你會嬲我多事,但我真係好希望你可以認真地諗吓我講嘅嘢啦,如果你唔係我”哎呀妹”我真係費鬼事理你呀!!!
|
