Fun's Birthday Party
今晚係我阿芬o既生日 party, 一向最愛阿芬o既 South 當然要 "盛裝出席" 啦.........
雖然個 party 係 "9時恭候, 9時半入席" , 但由於等唔到車, 我十點半先到......Hee.....Hee....俾預期遲左半粒鐘......
今晚有好多人黎參加阿芬o既 party 丫 ..... 除左有固定陣容o既飛 & 秀芝, 肥糕 & Alfri, 阿 JO, Winne, 中碼, 阿福 & Sarah, 仲有阿雞, 大頭, 歐佬, 阿豹 & 銘, 另外還有姑奶, Anita, 阿Pol, 糕妹, 阿John同阿 Mi o既兩個 frds 添喎.......睇下我阿芬幾有 face, 年年生日都咁大陣容..........呵呵呵~~~ 不愧係 "My Dearest Little Small Lovely Big Head Fun" 呀.......
由於人實在太多o既關係, 所以搞到分左兩堆咁, 開頭我同芬都唔知點算好, 個個坐哂係度又唔玩喎, 搞到埸面有少許尷尬, 仲好似悶親飛同福咁, 搞到佢兩個要落街 "抖氣" 添喎.........經過一番商量, 最後決定拆開我同芬, 每人 "陣守" 一邊.........
就係咁, South 要 "破戒" 飲酒喇........唉~無奈 South 以前豪慣, 成班謀利竟然無人信我唔飲得喎........加上阿豹發明o既果d 都唔知係咩遊戲黎o既, 擺明就係 "玩阿南" 啦, 又要計數, 又要考反應, 搞到我係咁飲....... 攞命囉...... 阿南而家真係唔飲得架喇.....
玩玩下竟然俾 Alfri 發現 Alice Ho 係隔離房喎, 咁米捉埋佢入黎 "傾下計" 囉
 , 話哂都算係教過我o地o既 "恩師" 之一呀.........
今晚真係好開心, 有咁多人陪阿芬過生日, 仲影左好多相添喎.......但......... 唉.....係米衰呢....South 都話唔飲得架喇, 仲要飲紅酒添喎 (雖然我飲得一杯者), 於是乎飲 wing 左o既我又搞事喇 .......
After Celebration........
係 New York 玩完後, 我o地去左食宵夜, 飲大左o既 South 唔知做乜 "又" 喊喇 ~~~
唉~各位親朋好友, 真係唔好意思喇~~~搞到大家咁掃興
其實我無嘢架, 可能係近排心情唔好 (um.....因為屋企o既事 ) , 所以一飲 wing 米趁機發洩下囉.........
Hee......South 係咁架喇, 大家唔駛擔心丫~~~ 基本上我一飲大左, 唔係仆街就係喊架喇 ~! 如果撞岩哩排心情唔好, 飲完就會趁機大喊一餐; 如果係無乜事o既話, 飲完就實會仆街架喇.........
我知今晚咁搞一搞, 又麻煩左好多人, 對唔住丫~~~ 我唔係有心架 ~~~
不過真係好多謝阿JO, 我記憶中係阿JO "臭" 我番屋企o既.......而我喊緊時, 肥糕同阿Jo 就係咁安慰我, 真係唔該哂你o地呀~~~又麻煩到你o地, 要幫我執手尾 ........
|
