呢兩日唔係多野做就無乜心情..所以就冇打日記..依家補返~ha
星期一冇乜野搞...簡簡單單無無聊聊就咁過左一日...
星期二~朝早上PE...考試..(雖然唔知算唔算真真正正GE考試)
記得好似考四樣野..個個分數都好參差..不過無唔合格就好~
搞野係GE...俾人話我同西施好似樣~笑戈陣...雖然我一D都唔覺...
本來地理堂要做角色扮演..不過因為成哥要去比賽..所以就星期三先做..
放左學就返屋企攞結他...去上結他班...因為未買結他..所以就問發哥借..
個班係同FIONA & 關麗霞 & 波神 & 圈王一齊報GE~
不過圈王 & 波神係返星期五..我& FIONA &關麗霞就返星期二..
雖然我都想返星期五..不過報左就算啦..橫掂唔洗錢XD
個阿SIR都OK好人..開始之前幫全部人較好個結他佢..
結果第一堂係學左基本指法同埋點彈D R M F S L T...
要我地返去多d練習~好!我實練ge~haha
因為第二日要test電腦..所以要鑽研今日上堂戈題vb..
幾經辛苦..終於搞掂..做完自己都唔係咁明自己點解會做到出黎..
諗住自己應該會應付到個test..即使佢得一堂時間..
今日...朝早經歷左地獄般ge無聊之後..
就上學去~呵
兩堂會計堂又係度發吽豆...雖然之後要test電腦..再之後要做地理..
又有會計note要抄..但係我足足呆左兩堂..差唔多小息先知醒...
....好啦..電腦測驗啦...其實都預左唔會好似睇note咁順利..
做左for next 同while wend兩題之後...就開始停滯不前..
搞到連日期都唔記得點整..完左戈陣仲俾其中一題ge for next錯誤..
搞到我整唔到exe檔...唉..又唔知會扣幾多分..加上又有兩題做唔到..
之後我先知..原來求質數戈題..可以用任何一種方法..oh shit!!!
點解我會睇唔到!!? 如果唔係..我一早就做左.. do loop戈題都話..
如果做埋戈題..我都會合格啦!! 依家..唉..火都就黎燒著d水啦..
火下停下...又到左世史堂...冇啦啦又搞個乜鬼突擊測驗..
測乜鬼升大試題...事前又唔講..結果..30分..算啦..都預左架啦..
世史一向都唔掂...之後又話講選擇題答案..都未講佢就冇啦啦火起來..
走埋...頂..都唔知搞乜鬼...不過都冇咩所謂..由得佢~
地理堂..做角色扮演lu...剩返我地戈組~
因為事前都係度拖拖拉拉ge關係..都係以執生為主~
我呢個緊張救援工作者都做得ok求其~haha
之後..派地理卷...49.5分...唉..算啦..今日係運滯d架啦..
都預左fail架啦..下次努力攞75分啦!!
放學同成班人一齊走...成哥表哥發哥hk阿連譚曉~
好似個個都話肚餓...去左7仔買野食...阿連又係度情緒高漲..
唔知今日佢發生左d乜野事..high到咁..
係7仔耗左一段時間先繼續行...
去到塔石ok又再開戰..食番石榴雪糕..個個都買哂..
到我買戈陣話要等4-5分鐘.. 戈班友仔個個係度嘈..
嘩~4-5個鐘你都等~?係唔係傻架~?..
算了..有得食就算..俾阿連試左一啖佢又high起來..
但係佢自己又唔買= =.. 成哥又幾無聊下..計我時睇我幾耐食左個雪糕..
結果我成舊扯左上黎咬...超大啖咁食左佢...佢計到時..2分40幾秒..
就咁打打鬧鬧我就首先返到屋企啦~由得佢地繼續癲落去..
聽日test英文...睇怕結果都係一樣..隨波逐流啦~
今日見到好幾個以前ge同學~個樣都唔同左好多~(當然我仲認得佢地.)
真係士別三日..刮目相看...雖然唔只三日~haha
| 
