琴晚成4點先訓,仲要訓唔着..今日9點就起身..瘋掉!!

因為2姑丈嘅事,所以今日嫲嫲冇搞生日..我哋成傢人就去咗大姨媽度探下婆婆..

搭車嗰陣眞係夠曬經典,我搭短短幾個字車,讓座讓咗3次..誇張..我做咗咁多好事,d.衰嘢係唔係應該快d.赱先~?!

最搞笑係我坐坐下,見到部車度有條友好熟口面..原來係阿瑩..哈哈..咁多215佢唔搭,係都要搭我搭嗰部..眞係好"橋"..

去到大姨媽度,見到我個表姪女,佢好得意丫,個樣又精靈喎~見到佢成日喺度笑,我自己都開心埋一份..乖嘅小朋友先得人鍾意泇嘛..

唔覺唔覺,我已經做咗人哋表姑姐同表姨啦..叫到我老曬..眞係討厭..

下午去咗姨媽度,豆豆見到我好鬼熱情丫,搞到我好驚..原來我仲係好怕狗..特別係d.熱情嘅..E~眞係好驚..

今日比我見到姨媽隔離屋有幾隻貓貓,好得意泇!!眞係超級超級得意丫!!仲要全部都係出世冇幾耐嘅..

我呢期鍾意d.貓仔,貪佢哋乜都玩一餐,又夠百厭,夠活潑..我傢大頭大個仔啦,要行憂鬱路綫,成日都唔出聲,都唔好玩嘅..

好難得媽咪都話好鍾意,諗住攞翻一隻繙嚟陪下我傢大頭,點知..點知佢全部都係女..何大頭係仔嚟泇,到時佢哋生多鬥出嚟點算..

眞係好可惜丫!!嗰隻貓貓眞係好得意泇!!我仲要連名都幫佢諗埋..竟然.........唯有等下一鬥啦..

今日越秀山有波睇,我哋赱嗰陣又撞啱佢哋散場喎~鬼咁多人,差d.同屋企人失散..最重要嘅係,嗰陣我身無分文..

我相信去得越秀山睇波嘅都係廣州人多,但點解佢哋都咁冇素質?!點解完全當咗條馬路係人行道?!哎~失望丫!!

傢姐昇咗職,做嘅嘢多咗,何解我會同佢成正比?!今晚佢比咗份英文文件我繙譯..話多唔多,但係就好多items,逐條譯都幾係嘢..

我頭先.先繙譯咗一半咋,聽日出完街繙嚟仲要繼續..哎~聽日9點就校慶..我仲有5個種頭訓咋..近期睡眠嚴重不足..

我那近乎愚蠢的堅持最終都成功了,可惜....我兜了彎路..為什么我不再堅持一下呢?!2分鍾就好..哎~算了,結果比較重要..

1傢3口喺度曬太陽..其實隻貓媽媽生咗4隻千金泇..有2隻去咗玩..

這是媽媽和其中一隻千金..

這是2隻千金..我就係鍾意右手邊呢隻..佢同佢媽媽一樣樣泇!!

毛色好特別,條頸度有少少紫色泇..而且仲係四蹄踏雪添~