好開心,琴晚見到黃嘉偉飛信on line..佢竟然識同我講笑..佢變了變了變了..是否好事呢~?!

琴晚2點就訓啦,不過一訓落床就有電話,搞到成3點先訓得..仲要傾到手機冇曬電..好綵仲響到閙鍾..

今日一起身就整電腦..今次要生生性性,唔好再壞啦,等我有錢就..............哈哈哈..不過呢個目標都好後下,因為非必要..

下午小慧叫我出去飲下午茶..出到去,一落車就落大雨..想點遮?!日日都要我淋雨..

今日係去駿田會..好耐未去過啦,d.佈侷同以前唔同咗,d.嘢食嘅味道都差咗..點解會咁泇?!?!?!?

跟住行街行街行街..哇~週圍都大減價,但我冇錢買!!bambini.嗰件黃色好正aaaa..T.T

我髮覺sunday place 嗰度d.衫好平..而且都ok..哎呀,總之今日見到乜都覺得好睇好觝好想買啦..但我要買咗手機先!!

行到7點幾,攰攰哋,去咗青宮M記坐下,點知比我見到梁桂華..眞係好綵,本來佢今日唔使翻工,隻不過係翻嚟開會,咁都比我撞到..

有專人為我哋服務,攞餐牌過嚟比我哋點餐,又送埋餐過嚟,坐喺度就有得食,眞爽..

我哋話想試麥樂雞,佢問我哋要幾多嚿..5嚿?!10嚿?!20嚿?!嚇親我..我哋仲可以一次過試齊4種醬添丫~今晚仲有試咗椰子批..

今日本來諗住喺屋企寫作文嘅,又完成唔到任務啦..哎~遲d.再寫啦..

後日就考心理啦..希望pass.啦..不過應該一定pass.嘅..好歹我都係熊暢嘅愛徒.. T-T  其實我很不情願..

其實我哋一共叫咗6碟嘢..

4種醬,最好食係芝痲..其他都一般..

一盃橙汁,一盃冰爽,一盒麥樂雞,兩個派 加埋都係用咗14.5咋..超級觝!!