我自問唔係d唔開心就買野既人=]
不過今日唔知點解買左d好無謂既野返屋企
o係商務見到d簿幾靚
對於我呢個平時唔用簿連校簿都唔用既人黎講
買簿實在係多餘
然而我屋企的確有幾本空簿係買左唔用的
今日唔知點解無啦啦想買本簿返屋企
結果都係買左

我買果刻都知道自己買左之後都唔用
但我都係要買佢
返到屋企望住本簿,我諗到點用咧
近呢幾日我實在做唔少film review同book report
而且我依家有必要(係must)每日用5個英文生字作一段野出黎
(雖然我都係隔日做-0-)
於是我就諗到將我寫既review同呢d文寫落本簿度 =]
或者見到報紙有d咩正文章都寫落去
我想係全本寫晒英文野的
不過諗諗下中英都唔緊要啦..但我應該都係要黎寫英文
咁岩個封面都係英文來的 x]
(其實我一開始係諗住本簿要黎寫英文歌詞,但係冇咩用)

書局內,我見到魔法奇緣都出左書
好想買.....49蚊好似..當然係英文啦
另外史柏力魔怪書都出左小說,,分開幾個部份
中文...台灣出既應該係...譯名都唔多記得lu

早陣子DK msn add我,,好耐冇傾喇又 : )
咁岩果日我就突然想上佢blog望下
之後見到一個甚麼 [香港潮語學習字卡]
我見到個名笑死我XD
英文名係 [ The Picture Dictionary of Cantonese Slang ]
見到d公仔同解釋更加係正晒
http://sorealreal.blogspot.com/2008/03/blog-post_26.html
我唔係同佢賣緊廣告=v=
不過真係...ok...搞野XD

WOW!尋晚見到又有一陣子冇聯絡過既遊遊*V*
仲有曲,,最衰雅唔o係度
約定左喇7月一定有一日要見到面*
咁耐唔出黎見下面點得架..吼!!!!!

我最近有輕微沉迷紙黏土
可能因為我隻小丑太靚仔xd
我今日之所以又走去書局都完全係因為想睇紙黏土書
不過果度d書冇野睇既-3-係得一本ok
但我發現d手工藝書其實本本差唔多
技法,工具,材料都差唔多/一樣
我呢幾日o係公共圖書館借左果d書都係呢d
近排亦都因為紙黏土而迷上左去公共圖書館
好正-v-環境好...又多正書睇
最重要係兒童圖書館勁好坐

今日又要努力準備sba喇!加油努力...

各位525生日快樂*

大粒,HELEN =]