講番琴日，考數學，一開始做個陣，以為好易，
點知之後做落去發覺勁難，仲要一題10幾分.....
不過好彩我都識識地.....執番幾分= = 跟住卷2
仲難，有3分1都係亂撞。

講番今日，今朝諗住出門口個陣，文峰無喇喇飛
隻拖鞋埋黎，跟住我一擋，隻拖鞋撞落部電視機
到，跌個落龜江，嚇到隻龜傻下傻下.....

今日考地理，勁多問答，搞到我愈做愈火，有d
仲要係勁無聊，.跟住計坡度，唔知計左1定2，
垂直誇大率又唔識.....睇黎今次炒硬= =

以下內容，在吃飯前請不要瀏覽：

今日我地放左學，去大家樂食野，我就跟左jacky
要公仔麵，不過得勁少，加埋杯野要成17蚊......
食完冇野做，就拎支飲管黎玩，將支野掟黎掟去，
跟住成支野插左落熙仔杯野到^^之後佢唔飲，我
地就玩野，猜輸左飲，仲要兩支飲管一齊.....

點知第一個輸係我，經過一番''激戰''，我同熙仔、
jacky飲左一次，湯聰就飲左三次.....跟住我又提
議之後邊個猜輸左要食埋d冰.....唔知點解我狂輸
，食左成4、5舊，、跟住jacky又話呢次輸左要
成杯冰飲哂，連埋d汽水......哈哈，熙仔輸左^^
飲完之後feel到佢想嘔.....好彩我贏左隻= =