今日數學同英文都有Form Test,

數學都算好的我,

自以謂唔讀書,數學都無問題的我,

今日終於因為唔識做喊左出黎,

數學斜率同演繹幾何,

我真係好多好多都唔識做,

有一題,我本來識做,

但我睇到本書d解題唔同,所以唔肯定答案,

我無做到,之後,

老師講返,真係個個答案,

我簡直唔知有咩心情,

之後小息,我諗返起個題數,

我喊出黎,我隔離的珊珊同寶君馬上安慰我,

連歡姐見到,都問我咩事,

我只答左佢一句,"我想喊呀!"

真係控制唔到自己,一諗起個條數,

我真係流左眼淚,

很後悔,但我無辦法補救!

=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=

中文堂,數學test的慘敗,

我的心情已經無法再振作起來,

書,無法留心聽,

只好讓身體自己行動,

恍如行屍走肉,之後老師俾時間我地溫習英文,

已經打數學打敗的我無法再專心溫書,

連老師都察覺,我答左佢一句"我被數學打敗左!"

係自己把口講,但係聽上黎好似唔關我事咁,

但又有幾多人知道我真係喊過黎!

=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=

英文test,我詞語個到識左好多,

但係其他部分唔識,到底我有冇反省到呀?!

係咪首先放棄英文你的係咪我呀?!

之後上返英文堂,miss個鼻傷左,

唔知係唔小心跌落樓梯定點,

佢個鼻凹左,我諗一定好痛啦!

=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=

午膳個陣,我打波唔知點解好辛苦,

個心口一直係到痛,

跟住無辦法好開心咁打波,

連唯一令我開心的事都搶去,

到底人地口中的祢係咪想玩死我呀?!

完左午膳,我無無聊聊俾隻手寶君幫我把脈,

佢話我脈搏好亂,跳得好慢,好似個心無跳咁,

我都發覺自己呼吸困難左好多,

到底自己係咪離死期不遠呀?!