好快好快,下個禮拜一就係中期測驗,

第一科要考就係英文,

好多好多野要溫,

唔知點解,開始驚,但係又唔想溫習,

我好驚我不能再同而家的同學一齊升上中四,

好驚自己明明有能力,

但因懶散而追唔上佢的程度,

我好驚,但我亦好希望自己能夠振作,

等自己將來會有一個偷懶的藉口!

*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*

今日第一堂係VA堂,

好無奈,發覺自己愈來愈無理取鬧,

成日都無啦啦整羅白同毛毛,

點解我可以咁白痴?!

明明自己唔想人地討厭自己,

但係偏偏成日都做埋啲令人發嬲的事,

係咪自己要撞多次板先識反省,

但我真係好想玩,好想同你地玩得好癲,

因為我都好驚將來唔會再有機會好好咁玩!

*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*

今日的週會,無左中四係到,

悶左好多呀!而且今日個主題係中三升中四的週會,

講左兩堂,老師每一句話我都無好好咁聽清楚,

因為我好驚我聽左呢啲,

我會無辦法接受而家的抉擇,

好驚,好驚讀書!

讀書要我抉擇,但係可以唔抉擇嗎?!

我好驚我聽左佢地啲話之後,

忍唔住會喊,因為好似我呢啲唔好唔壞的學生,

最害怕聽到好重要同正經的事!

我唔知我應該點樣面對升中四,

我會選擇綴學嗎?!

心內的內疚,源於身外的責任,

這是我的缺點,

我一生人中的缺點!!

*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*

講起感情方面,

對於師姐同師兄佢地之間的關係同感受,

我真係諗得唔夠成熟,

我真係好蠢,

明明自己都搞唔掂的問題,

居然蠢到想幫師姐,

我諗我而家都會令師兄討厭吧?!

畢竟我多管閒事,

如果自己唔係咁多管閒事,

都唔會落得如斯下場吧!

放棄吧!這些糾纏了世俗人億年萬年的問題,

像我這些連讀書都逃避的人,

根本是沒有資格去理!