考完之後，搭西鐵去元朗，張曉彤終於送左生日禮物比我，係一隻黑白豬既杯，最近迷上左黑白豬，因為真係好可愛呀﹗

影埋貼紙相，我、man man同彤彤去銀座睇愛上屍新娘，森美做果個角色超搞笑，套戲開頭好恐怖，我一面睇一面捉住彤彤隻手，但呢套真係好好睇，值得推介。

考口試時，起緊張，考完之後，miss竟然問我係唔係內地落梨，因為我有好多字都咬唔清d音，衰就衰在我錯d字，miss張都有幫我練，之後miss同我講，我讚唐詩好過短講，咁算唔算讚我呢？

讀本+閱讀理解今次都好容易，至少比上一次容易。雖然係好容易，但都有好多野要寫，做哂份卷之後，對手起攰。

夜晚，朱朱打電話比我，但我諗唔明點解朱朱有我電話號碼，唔通我比左佢，但自己唔記得？開頭都唔係幾想同佢傾，但不知不覺我同佢都傾左好耐，其實朱朱都唔係好差，係晒命，性格都算ok啦﹗

2:00係景業樓等嘉嘉，佢就落左梨。嘉嘉靚左好多呀﹗或者因為我地好耐冇見過面，同嘉嘉既話題多左，其實嘉嘉係, 個好幸福既人，佢好容易鐘意一個人，但佢亦好容易忘記一個人，如果我都可以好容易忘記佢就好喇﹗我地去左圖書館借書，我借左四本書，大部分都係瓊瑤既小說，冇計啦，鬼叫瓊瑤既小說咁正咩﹗

居企大部分都有送生日禮物，大哥折現一百，二哥送十富翁，好幼稚呀﹗阿姐送芭比給我，都係阿姐份禮物最好。

放學，要去搵李文晶，事關做大綱動手寫做留三題，做番好之後比佢睇，原本我以為我都要罰抄，點知李文晶話我平時上堂表現好，所以唔駛抄，Yeah﹗

走果陣，竟然落雨，雖然兆蓮提議三個人一齊用一把傘，但我比較想淋雨，唔知由幾時開始，我開始鐘意淋雨。

送左兆蓮去輕鐵站，我同莫善一齊行，途中我同莫善講，我已經唔再鐘意佢。其實，我係唔係真係可以忘記佢？現在的答案是不知道，但我希望在不久的將來，答案會變成可以。