好唔開心...
由一開始，父母為左我既將來有更好既前途著想，決定送我黎uk讀書之後，
身邊每一個人聽到出國讀書都會表達出羨慕既眼光同葡萄既說話，
無人明白我心諗咩，係香港既時候，我上網搜集資料，打開課程既書睇，
都冇一科係有興趣，
但全世界人都話叫我好好珍惜，
但其實‘珍惜’衣兩隻字我覺得係解對自已真心鍾意，真係想同感興趣或想得到想擁有既事與物珍而重之先叫珍惜。
我根本就唔想離開香港黎英國讀書，做一樣自己唔想做既野又點去珍惜呢？
自己身邊既朋友都好簡單咁覺得‘浸咸水’係一件超好非常好聽落去都覺得好威既事，覺得我身在福中不知福，我明白衣個機會對於某啲人黎講係好難得，但對於根本唔係打算係英國讀大學既我，衣個foundation對我黎講有咩用呢？
但其實我黎英國之前，係香港本身有一份自己＄15,500既穩定職業，有一班自己真心既好朋友，有男朋友，有屋企人，好開心，好完美既生活。
黎到衣到我讀自己冇興趣讀既科，學自己冇興趣學既野，同朋友，男朋友分隔異地，每日8個鐘時差，最恐怖既係幫我預備所有野既agent佢都係係英國讀左4年大學，但佢番到香港就係做掟學生去外國既agent?! 。。。。。。
我自己好膚淺咁覺得其實如果你唔係真係一心係到諗住讀lawyer或者accountant，根本就唔係真係特別值得係到花4年幾十萬去拎個degree,
係香港根本衣家‘浸咸水’唔係一件罕有既事，唔係一件令人嘩然既事，
我更好想比香港既人知，去外國讀書唔係你地講到咁容易咩有錢人玩意！
你唔會知道我地一個月又一個月要交一篇又一篇既過千字既文，
一份又一份project,日日一份一份既功課，
佢地個個成日都話 係香港拎D去到外國一定拎A都得！
我好想講你係錯嫁！
如果你做一個測試，
去對比一個人讀同一樣既科目係香港同英國既成績，
佢係香港fail,而uk就A，我就會認同，
但就算係香港，根本兩間唔同既學校唔同既banding,
唔同既師資，群埋啲唔同既同學，都會有唔同既成績結果！
所以根本你地就唔可以一概而論！
我講我想番香港，我想忠於自己既想法意願去做，
但自己最好最好既朋友唔支持我唔明白我話我好衝動好幼稚會後悔，真係好唔開心，仲話我既然心有所擇，講黎都多如，真係好唔開心。。。
有人明白我嗎？
如果係講前途，我唔覺得我讀完一個foundation我既將來同之前可以差好遠，
如果係講開心，我唔覺得係英國生活得開心，
咁我係到做咩呢？
錢 買唔到最重要既 快樂
但我只要好簡單番香港 我就已經好開心好快樂
p.s:我並唔係homesick
衣D野係我心諗左好耐先有勇氣打出黎
希望有人明白我既感受.
|
