玩Facebook 其實真係可以睇到好多野

見到一對情侶，男既英俊，女既美豔，我就好好奇睇下啲人點留言啦

點知就見到:男既一定遲早出軌，靚仔冇本心，女既一定會遲早比人追！

好啦，之後幾日又見到又有啲friends page 有張男靚女比較上唔靚既情侶相

又會見到有留言: 男是盲的嗎？ 另外又有留言:女人一定是很有錢！

好喇！過幾見到一張相男既比較上唔靚，女既靚情侶相

又有人留言:男既一定很有錢！女既一定貪錢怪！

之後見到一個台灣friends page男同女都比較上肥同唔靚既情侶相

竟然終於有正面既留言回應話:好襯呀！簡直係天生一對金童玉女！

其實衣個世界根本就算幾好幾完美既一個人或者一件事都會有人冷嘲熱諷

所以根本唔需要理會其他人既諗法，更唔需要在乎佢地既說話

有啲人好傻，會好容易因為其他人既一句說話而影響自己既心情同決定

根本無謂人無謂理。最重要既係自己開心自己鍾意滿足樂在其中就夠

前丶排係一個 uk Facebook page到見到有人話 比自己曾經視為真心朋友既人話自己溝鬼佬，食洋腸，溝黑鬼，然後比人排斥，所以好唔開心

我明白被自己曾經視為真心朋友無理排斥既感覺，所以唔開心係好正常，

但根本唔需要唔開心得太耐，因為相反更應該多謝自己既男朋友睇清楚衣一班所謂既朋友，

如果真係朋友會講衣啲說話？會唔鄧自己朋友開心搵到真愛？衣啲都叫朋友？

一個人好就自然會惹人妒忌，身材好既人會比人質疑真定假，

樣靚既人會被人質疑有否整容，事業好既人會被懷疑係咪識人定有人幫手，

根本一個人有價值，自然就有人討論，說三道四，

被衣啲可憐自卑妒忌心重既人影響自己係最蠢既事，只會中計

愈唔在乎，衣啲可憐蟲就自然變成垃圾拎去堆田

所以根本唔需要介意身邊既人諗咩，亦無需要怕其他人會講咩

做自己開心就夠

世界好簡單，人類太複雜