10年..5年..3年..1年..半年..2個月..2星期..

聽落去係咪好似好耐咁？

但其實對老人家身體黎講，眨下眼就已經一個月，已經可以差好遠..

好記得當我公公仲在世時，我每一星期最少就會去探佢一次，拎媽媽煲既湯比佢飲，

由細到大，打風落雨都照去，有時會同埋細妹一齊去，因為其實唔遠，車程連同等車都只係半個鐘內

考試測驗的話就會由媽媽親自去拎

好記得如果公公唔係屋企，就會放低湯係枱面然後自己落3樓搵公公同朋友既聚腳點搵佢

公公由佢後生開始食煙，從來冇介過，但只要我同妹係到，佢就會即刻整熄支煙，煙引即停。

然後就會帶我同妹去士多，大昌揀雪糕雪條

每一次我地同公公講好好味，多謝公公，公公都會笑得好開心好甜咁話:咁咪好囉！食多啲啦！

所以公公屋企就係最好既食零食冇限制既地方

仲有好多好多一點一滴既回憶冇忘記過，歷歷在目在心頭

但痛心既回憶都唔例外..

有一次我因為懶既關係相隔了兩星期才去探公公，但點知一見到公公地點就要變左係醫院..

好記得，原本肥肥飽滿的公公一下子變得皮包骨..樣子完全變了..口腔發出臭味..一張開咀巴就會有很多血從口裡流出來..公公亦不能像兩星期前一樣能清楚地咬字說出話來..很難聽得明..但即使公公睡在醫院床上，也不停地說要我走，因醫院多菌

我很辛苦很辛苦忍着我的眼淚，直至走到在醫院門外才蹲下來盡情地哭出來..

公公患上舌癌..

因唔想我地擔心所以一直忍瞞舌頭痛，更唔講比我地聽其實一個月前已經曾經在樓下診所求醫，醫生更有打轉介信表示必須盡快到醫院求診..

一切一切都沒說..但兩星期後..一切一切都沒用了..

第一次新年在醫院向公公拜年..過年後公公過身了..我第一次有哭得乏力及有暈的感覺..

第1次痛失親人..19歲的我我知道我是比很多人都幸運了..

但一切實在來得太快..始終不捨

我信公公是故意的..我跟媽媽及妹妹每天輪流照顧及陪伴公公..

護士很好，說陪得一天得一天，我們想什麼時間來都可以..

一次媽媽到達病房後，就輪到我到樓下醫院的餐廳食嘢，因忘記帶銀包因此打比正在陪公公的媽媽聽，

媽媽拎銀包到餐廳搵我，就在那短短的數分鐘..病房護士立即打電話給媽媽說公公唔得了..

當我和媽媽趕回病房時..已經太遲..看著床上的公公，我除了哭外沒其他想做了..

捉着他還有溫暖的手向他說我會乖我會乖你放心..

手的溫暖使我相信公公是聽到我說話的..

護士安慰我們說其實應該是公公的主意，故意想我們不在的時候過身，不想被我們看到他難過，他因為看着我們更不捨離開..所以故意選擇這個時間..

公公都辛苦了..一直撐着每天問我今天的日子是多少号..

日曆是加數，但對公公來說卻是倒數..

所以真的希望所有人都能夠把握時間與老人家相聚多些..

他沒提不代表他沒掛

他沒說不代表他沒念

當日他推著嬰兒車上的你，今天你推著輪輢上的他

人生.